చరణ్ సినిమాను తొక్కేస్తారా..?

రామ్ చరణ్ నటించిన 'వినయ విధేయ రామ' సినిమా మరో వారం రోజుల్లో ప్రేక్షకుల ముందుకు రానుంది. ఈ క్రమంలో అభిమానుల్లో ఆందోళన మొదలైంది. దానికి కారణం 'ఎన్టీఆర్' బయోపిక్ అనే చెప్పాలి.

బాలకృష్ణ నటించిన మరేదైనా సినిమా అయితే పెద్దగా భయపడక్కర్లేదు కానీ ఇక్కడ ఎన్టీఆర్ బయోపిక్ కావడంతో దాన్ని సక్సెస్ చేయడం కోసం టీడీపీ అనుకూల మీడియా కుట్ర చేస్తోందనే సందేహాలు అభిమానుల్లో తలెత్తుతున్నాయి. బోయపాటి తెరకెక్కించిన 'వినయ విధేయ రామ' సినిమా మాస్ ఆడియన్స్ కి కనెక్ట్ అయితే పెద్దగా ఎఫెక్ట్ ఉండదు కానీ ఓవర్సీర్, మల్టీప్లెక్స్ ల ఆడియన్స్ కి కూడా ఈ సినిమా చేరువ కావాలంటే రివ్యూలు కచ్చితంగా బాగా రావాలి.

అసలు ఈ మధ్య కాలంలో బోయపాటి సినిమాలకు రివ్యూలు పెద్దగా రావడం లేదని. ఎన్టీఆర్ బయోపిక్ ఒక క్లాసిక్ మాదిరి ప్రొజెక్ట్ చేసి 'వినయ విధేయ రామ' మాస్ ఫిల్మ్ మాదిరి తేల్చేస్తే 'ఏ' సెంటర్స్ ఆడియన్స్ దీనికి దూరమయ్య అవకాశాలు ఉన్నాయి.

టీడీపీ అనుకూలమైన ఛానెల్స్, పేపర్లు 'వినయ విధేయ రామ' సినిమాను తొక్కేసే ప్రయత్నాలు చేయొచ్చు. ఈ కారణంగానే మెగాభిమానులు ఆందోళన చెందుతున్నారు. సినిమాకు యునానిమస్ గా హిట్ టాక్ వస్తే ఎలాంటి సమస్య ఉండదు. కానీ ఏమాత్రం తేడా వచ్చినా.. పరిస్థితి అదుపు దాటిపోతుంది.  

సంబంధిత వార్తలు..