ఇన్సైడ్ టాక్: చరణ్ తో విసిగిపోయిన బోయపాటి!

సారాంశం

ram charan

దర్శకుడు బోయపాటి శ్రీను, రామ్ చరణ్ కాంబినేషన్ లో రూపొందుతోన్న చిత్రం 'వినయ విధేయ రామ'. దాదాపు ముగింపు దశకి చేరుకున్న ఈ సినిమా వచ్చే ఏడాది జనవరిలో ప్రేక్షకుల ముందుకు రానుంది. 

అయితే ఈ సినిమా కారణంగా బోయపాటి, చరణ్ ల మధ్య ఉన్న సంబంధాలు సరిగ్గా లేవని అంటున్నారు. చరణ్ ఆశించిన విధంగా బోయపాటికి సహకరించలేదట. సినిమా ఆరంభించిన సమయంలో 'రంగస్థలం' సినిమా మీద దృష్టి పెట్టిన చరణ్ ఆ తరువాత 'సై రా' నిర్మాణ పనులతో బిజీ అయిపోయాడట.

ఈ కారణంగా చాలా సార్లు షూటింగ్ కి అంతరాయం కలిగించాడని సమాచారం. ఆ కారణంగా షూటింగ్ అనుకున్న దానికంటే ఆలస్యమైందట. ఇంతలో రాజమౌళి 'RRR' సినిమా కూడా మొదలైంది. ఈ సినిమా పూర్తి కాకుండానే చరణ్.. రాజమౌళి సినిమా సెట్స్ కి వెళ్లిపోయాడు. దాంతో సినిమాలో రెండు పాటలు తొలగించాల్సి వచ్చిందట.

ప్రస్తుతం 'వినయ విధేయ రామ' సినిమాలో నాలుగు పాటలు మాత్రమే ఉన్నాయట. ఇది బోయపాటికి అసలు నచ్చడం లేదని తెలుస్తోంది. చరణ్ కోపరేట్ చేయని కారణంగానే అనుకున్న విధంగా సినిమా తీయలేకపోయానని బోయపాటి తన సన్నిహితుల వద్ద వాపోతున్నాడని తెలుస్తోంది.

తనను అగౌరవపరుస్తూ మిగిలిన దర్శకులకు ఎక్కువగా వెయిట్ ఇస్తుండడంతో చరణ్ తీరుతో  బోయపాటి బాగా ఇబ్బంది పడినట్లు తెలుస్తోంది. 

ఇవి కూడా చదవండి..