అమరావతిపై బొత్స వ్యాఖ్యల వెనుక జగన్: యనమల

వైసీపీ అధినేత, ఆంధ్రప్రదేశ్ ముఖ్యమంత్రి వైఎస్ జగన్‌పై టీడీపీ నేత, శాసనమండలి ప్రతిపక్షనేత యనమల రామకృష్ణుడు మండిపడ్డారు. టీఆర్ఎస్ రుణం తీర్చుకోవడానికి జగన్ ఏపీలో ఆర్ధికమాంద్యం సృష్టిస్తున్నారని యనమల ఆరోపించారు.

ఏపీలో ఆర్ధిక వ్యవస్థను దెబ్బతీసి హైదరాబాద్‌లో ఎకానమీని పెంచడమే సీఎం జగన్ లక్ష్యమన్నారు. ప్రస్తుత ఆర్ధిక మాంద్యానికి జగన్ రివర్స్ రూలింగ్ పాలనే కారణమని యనమల ఎద్దేవా చేశారు.

ముఖ్యమంత్రి ఆదేశాలతోనే రాజధానిపై మంత్రి బొత్స వ్యాఖ్యలు చేశారని విమర్శించారు. ఆంధ్రప్రదేశ్ సర్వనాశనం కావాలన్నదే జగన్ స్వప్పమని రామకృష్ణుడు మండిపడ్డారు. రాష్ట్రానికి చంద్రబాబు ప్రపంచవ్యాప్తంగా గుర్తింపు తెస్తే.. దానిని నాశనం చేయడమే లక్ష్యంగా జగన్ పనిచేస్తున్నారని విమర్శించారు.

వైసీపీ నాయకుల నేర చరిత్ర చూసి రాష్ట్రానికి పెట్టుబడులు కూడా రావని....వ్యవసాయం, పరిశ్రమలు, ఉపాధి కల్పన ఇలా అన్ని రంగాలకు జగన్ తూట్లు పొడిచారని యనమల ఆరోపించారు. 

అమరావతి భూముల చిట్టా విప్పుతా: సుజనాకు బొత్స కౌంటర్