అమరావతిపై మాటలొద్దు.. ఏం చేస్తారో చెప్పండి: జగన్‌పై కన్నా వ్యాఖ్యలు

రాజధానిని మార్చబోమని చెప్పి.. జగన్ ఇప్పుడు మాట తప్పుతున్నారని విమర్శించారు ఏపీ బీజేపీ అధ్యక్షుడు కన్నా లక్ష్మీనారాయణ. సోమవారం బీజేపీ రాజ్యసభ సభ్యుడు సుజనా చౌదరితో కలిసి ఆయన రాజధాని ప్రాంతంలోని మందడం, తుళ్లూరు, రాయపూడి గ్రామాల్లో పర్యటించారు.

ఈ సందర్భంగా కన్నా మాట్లాడుతూ.. ఈ ప్రాంతంలో రాజధానిని అందరరం స్వాగతించామని గుర్తుచేశారు. బాధ్యత గల ముఖ్యమంత్రి ముందుకొచ్చి... రాజధాని విషయంలో ఏం చేయబోతున్నారో స్పష్టమైన ప్రకటన చేయాలని కన్నా డిమాండ్ చేశారు.

అభివృద్ధి వికేంద్రీకరణకు అందరం సహకరిస్తామని.. కానీ రాజధాని మాత్రం అమరావతి నుంచి తొలగించడానికి బీజేపీ అంగీకరించదన్నారు. ప్రజలను భయాందోళనకు గురిచేసే ప్రకటనలు సరికావని కన్నా మండిపడ్డారు.

అవినీతి జరిగిందంటున్న ప్రభుత్వం.. ఎందుకు నిరూపించడం లేదని కన్నా ప్రశ్నించారు. అవినీతిపై చర్యలు తీసుకోకుండా మాటలెందుకని ప్రశ్నించారు. ప్రభుత్వానికి ఎన్ని లేఖలు రాసినా స్పందన లేదని.. ప్రజావేదిక కూల్చినప్పుడే ప్రభుత్వానికి తప్పు అని చెప్పినట్లు ఆయన గుర్తు చేశారు. 

అమరావతి భూముల చిట్టా విప్పుతా: సుజనాకు బొత్స కౌంటర్