ఒక సెంటు భూమి లేదన్నారు, ఈ 124 ఎకరాల సంగతేంటి : సుజనా చిట్టావిప్పిన బొత్స

ఎంపీ సుజనాచౌదరి తనకు గానీ తన బంధువులకు గానీ ఒక్క ఎకరం కూడా లేదని సవాల్ విసిరారని దాన్ని మనస్ఫూర్తిగా స్వీకరిస్తున్నట్లు తెలిపారు. ఈ సందర్భంగా ఎంపీ సుజనాచౌదరి బంధువులకు సంబంధించి భూముల చిట్టాను విడుదల చేశారు బొత్స.   

అమారావతి: బీజేపీ రాజ్యసభ సభ్యుడు వై సుజనాచౌదరిపై తీవ్ర వ్యాఖ్యలు చేశారు ఏపీ మంత్రి బొత్స సత్యనారాయణ. అమరావతి రాజధానిలో సెంటు భూమి కూడా లేదు దమ్ముంటే చూపించాలంటూ తనకు విసిరిన సవాల్ ను తాను స్వీకరిస్తున్నట్లు బొత్స స్పష్టం చేశారు. 

ఎంపీ సుజనాచౌదరి తనకు గానీ తన బంధువులకు గానీ ఒక్క ఎకరం కూడా లేదని సవాల్ విసిరారని దాన్ని మనస్ఫూర్తిగా స్వీకరిస్తున్నట్లు తెలిపారు. ఈ సందర్భంగా ఎంపీ సుజనాచౌదరి బంధువులకు సంబంధించి భూముల చిట్టాను విడుదల చేశారు బొత్స. 

సుజనాచౌదరికి చెందిన గ్రీన్ టెక్ కంపెనీ డైరెక్టర్ జితిన్ కుమార్ కు రాజధానిలో 120 ఎకరాల భూమి ఉందని మీడియాతో చెప్పారు. సుజనాచౌదరికి చెందిన 120 కంపెనీల్లో గ్రీన్ టెక్ కంపెనీ ఒకటి అంటూ స్పష్టం చేశారు. 

కళింగ గ్రీన్ టెక్ కంపెనీ పేరుతో చందర్లపాడు మండలం గుడిమెట్ల గ్రామంలో 110 ఎకరాలు కొనుగోలు చేసినట్లు గుర్తు చేశారు. దీనిపై సుజనాచౌదరి ఏం చెప్పారని నిలదీశారు. మరోవైపు సుజనాచౌదరి తమ్ముడు కుమార్తె యలమంచిలి రుషికన్యకు కూడా 14 ఎకరాల భూమి రాజధాని ప్రాంతంలోనే ఉందన్నారు.

వీర్లపాడు మండలం గోకరాజుపాలెంటలో 14 ఎకరాలు ఉన్నట్లు గుర్తు చేశారు. ఈ భూములు కేవలం మచ్చుకు మాత్రమేనని చెప్పుకుంటూ పోతే చాలా ఉణ్నాయని బొత్స సత్యనారాయణ స్పష్టం చేశారు. తనకు గానీ తన బంధువులకు గానీ సెంటి భూమి లేదని చొక్కా చింపిన సుజనా చౌదరికి 124 ఎకరాలు చూపించానని దానిపై సమాధానం చెప్పాలని మంత్రి బొత్స సత్యనారాయణ సవాల్ విసిరారు. 

సంబంధిత వార్తలు

అమరావతి భూముల చిట్టా విప్పుతా: సుజనాకు బొత్స కౌంటర్