రివర్స్ టెండరింగ్: డివిజన్ బెంచ్‌ ను ఆశ్రయించిన ఏపీ సర్కార్

పోలవరం ప్రాజెక్టు రివర్స్ టెండరింగ్ పై సింగిల్ జడ్జి ఉత్తర్వులను సవాల్ చేస్తూ డివిజన్ బెంచ్ ను ఆశ్రయించింది ఏపీ సర్కార్.

అమరావతి: పోలవరం ప్రాజెక్టు రివర్స్ టెండరింగ్ విషయంలో సింగిల్ జడ్జి ఉత్తర్వులను సవాల్ చేస్తూ డివిజన్ బెంచ్ ను ఆశ్రయించింది ఏపీ సర్కార్.రివర్స్ టెండిరింగ్ పనులను కొనసాగించేలా ఉత్తర్వులు ఇవ్వాలని డివిజన్ బెంచ్ ను కోరింది ఏపీ సర్కార్.

ఏపీ ప్రభుత్వం దాఖలు చేసిన పిటిషన్ పై మంగళవారం నాడు హైకోర్టులో విచారణ సాగనుంది. పోలవరం ప్రాజెక్టు నిర్మాణ పనులకు ఈ నెల 17వ తేదీన ఏపీ ప్రభుత్వం  టెండర్లను ఆహ్వానించింది. హెడ్ వర్క్స్, జల విద్యుత్ ప్రాజెక్టు నిర్మాణ పనులకు గాను 2015-16 ఎస్ఎస్ఆర్ రేట్ల ప్రకారంగా రూ. 4900 కోట్లకు టెండర్లను పిలిచింది.

పోలవరం ప్రాజెక్టు జలవిద్యుత్ ప్రాజెక్టు నిర్మాణ పనులను గత ప్రభుత్వం నవయుగ కంపెనీకి అప్పగించింది. ఈ కాంట్రాక్టును ఏపీ సర్కార్ రద్దు చేసింది. గతంలో చేసిన కాంట్రాక్టు ఒప్పందాలను రద్దు చేసుకోకూడదని కూడ పోలవరం అధారిటీ తేల్చి చెప్పింది.ఈ మేరకు ఈ నెల 16న ఏపీ ప్రభుత్వానికి లేఖ రాసింది. 

ఈ పరిణామాల నేపథ్యంలో ఈ నెల 20వ తేదీన హైకోర్టులో నవయుగ కంపెనీ పిటిషన్ దాఖలు చేసింది. దీంతో రివర్స్ టెండరింగ్ పై వెనక్కు వెళ్లకూడదని  హైకోర్టు ఏపీ ప్రభుత్వానికి మధ్యంతర ఉత్తర్వులు ఇచ్చింది. 

ఈ మధ్యంతర ఉత్తర్వులను సవాల్ చేస్తూ ఏపీ సర్కార్ ఈ నెల 26వ తేదీన డివిజన్ బెంచ్ ను ఆశ్రయించింది.మంగళవారం నాడు ఏపీ హైకోర్టు డివిజన్ బెంచ్ లో ఈ పిటిషన్ పై విచారణ జరగనుంది.

సంబంధిత వార్తలు