ప్రభాస్ - మారుతీ మూవీలో హీరోయిన్లు ఎవరు.. ఇద్దరు బ్యూటీల పేర్లు గట్టిగా వినిపిస్తున్నాయే!

పాన్ ఇండియా స్టార్ ప్రభాస్ (Prabhas) ప్రస్తుతం భారీ యాక్షన్ ఫిల్మ్స్ ‘సలార్’,‘ప్రాజెక్ట్ కే’ చిత్రాల్లో నటిస్తున్నారు. ఆ వెంటనే దర్శకుడు మారుతీ డైరెక్షన్ లో నటించబోతున్నారు. ఈ ప్రాజెక్ట్ కోసం ఇద్దరు హీరోయిన్లను ఎంపిక చేసినట్టు తెలుస్తోంది. 

పాన్ ఇండియా స్టార్ ప్రభాస్ (Prabhas) ప్రస్తుతం భారీ యాక్షన్ ఫిల్మ్స్ ‘సలార్’,‘ప్రాజెక్ట్ కే’ చిత్రాల్లో నటిస్తున్న విషయం తెలిసిందే.  తర్వలో ‘ఆదిపురుష్’ చిత్రం కూడా ప్రేక్షకుల ముందుకు రానుంది. అదేవిధంగా టాలీవుడ్ స్టార్ డైరెక్టర్ మారుతీ (Maruthi) దర్శకత్వంలోనూ డార్లింగ్ సినిమా చేయబోతున్నారు. 

ఈ ప్రాజెక్ట్ గతంలోనే ఒకే అయ్యింది. కామెడీ ఫిల్మ్ గా రూపుదిద్దబోతున్నట్టు కూడా వార్తలు వచ్చాయి. వరుసగా యాక్షన్ ఫిల్మ్స్ లో నటిస్తున్న ప్రభాస్ కాస్తా ఈజీ సబ్జెక్ట్ తో ప్రేక్షకులను, అభిమానులను అలరించాలని భావించడంతో ఈ ప్రాజెక్ట్ పట్టాలెక్కబోతోంది. ఇప్పటికే షూటింగ్ ప్రారంభం కావాల్సిన  ఈ చిత్రం ఆలస్యం అవుతూ వస్తోంది. 

ఈ క్రమంలో సినిమాపై క్రేజీగా అప్డేట్ అందింది. ఇప్పటికే ప్రభాస్ పాన్ ఇండియా స్థాయిలో సినిమాలు చేస్తూ బిజీగా ఉన్నారు. భారీ బడ్జెట్ తో రూపుదిద్దుకుంటున్న ఆయన  సినిమాల్లో ప్రతి అంశంపై మేకర్స్ ఎంతో శ్రద్ద వహిస్తున్నారు. ఈ క్రమంలో మారుతీ - ప్రభాస్ కాంబినేషన్ లో రాబోతున్న చిత్రం కోసం కూడా ప్రత్యేక చర్యలు చేపడుతున్నట్టు తెలుస్తోంది. 

ముఖ్యంగా హీరోయిన్ల విషయంలో క్రేజీ న్యూస్ నెట్టింట వైరల్ అవుతోంది. హీరోయిన్ల ఎంపికలో ప్రభాస్ - మారుతీతో పాటు మేకర్స్ కీలక నిర్ణయం తీసుకున్నట్టు తెలుస్తోంది. ఇప్పటికే డార్లింగ్ ప్రతి సినిమాలో బాలీవుడ్ తారలు కనువిందు చేస్తున్న  విషయం తెలిసిందే. ఈ క్రమంలో దక్షిణాది హీరోయిన్లకే అవకాశం ఇవ్వాలని  భావిస్తున్నారట.

అయితే, ఈ మూవీ కోసం కథ ఆధారంగా ఇద్దరు హీరోయిన్లను ఎంపిక చేశారని సమాచారం. ప్రభాస్ సరసన మలయాళ బ్యూటీ మాళవికా మోహనన్ తోపాటు తెలుగు బ్యూటీ నిధి అగర్వాల్ ను ఎంపిక చేసినట్టు వార్తలు వినిపిస్తున్నాయి. మరోవైపు శ్రీలీలా పేరు కూడా వినిపిస్తోంది. దీనిపై ఇంకా అఫిషియల్ అనౌన్స్ మెంట్ మాత్రం రాలేదు. 

ఇప్పటికే నటీనటుల ఎంపికను పూర్తి చేశారని సమాచారం. సినిమాకు ‘రాజా డీలక్స్’ టైటిట్ కన్ఫమ్ అయినట్టు  తెలుస్తోంది. ఈ నెలలోనే షూటింగ్ కూడా ప్రారంభించబోతున్నారని తెలుస్తోంది. మూవీని క్రియేషన్స్-పీపూల్స్ మీడియా  ఫ్యాక్టరీ సంయుక్తంగా నిర్మించబోతున్నాయి. ప్రస్తుతం ప్రభాస్ సలార్, ప్రాజెక్ట్ కే చిత్రాల షూటింగ్ లో బిజీగా ఉన్నారు. దీని తర్వాత మారుతీ డైరెక్షన్ షురూ కానుందంట. ఆ తర్వాత సందీప్ రెడ్డి వంగతో ‘స్పిరిట్’లో జాయిన్ కానున్నారని సమాచారం.