గోపీచంద్, పూర్ణ ఫస్ట్ లుక్.. దీపావళి కానుకగా కొత్త సినిమాల పోస్టర్లు.. ఇంట్రెస్టింగ్ డిటేయిల్స్!

దీపావళి కానుకగా టాలీవుడ్ లో రూపుదిద్దుకుంటున్న కొత్త చిత్రాల నుంచి పోస్టర్లు విడుదలయ్యాయి. గోపీచంద్, పూర్ణ, తదితర నటీనటుల సినిమాల నుంచి రిలీజ్ అయిన ఫస్ట్ లుక్స్ ఆకట్టుకుంటున్నాయి. డిటేయిల్స్ ఇంట్రెస్టింగా ఉన్నాయి.  

కన్నడ సూపర్ స్టార్ ఉపేంద్ర భార్య ప్రియాంక ప్రయోగాత్మక చిత్రంతో ప్రేక్షకుల ముందుకు రానున్నారు. ఇంత వరకు సినీ ప్రపంచంలో రానటువంటి ఈ ప్రయోగాత్మక చిత్రమిది. సినిమా మొత్తం కూడా సీసీటీవీ ఫుటేజ్ నుంచి షూట్ చేసినట్టుగా అనిపిస్తుంది. సింగిల్ లెన్స్‌తో తీసిన మొట్ట మొదటి సినిమా కూడా ఇదే. దర్శకుడు లోహిత్.హెచ్ డైరెక్షన్ లో వస్తోంది. ప్రియాంక ఉపేంద్ర, లోహిత్ కాంబోలో ఇది వరకు మమ్మీ, దేవకి వంటి చిత్రాలు వచ్చాయి. మూడోసారి ‘క్యాప్చర్’  Captureతో రానున్నారు. షమికా ఎంటర్‌ప్రైజెస్, శ్రీ దుర్గా పరమేశ్వరి ప్రొడక్షన్స్ బ్యానర్ల మీద రవి రాజ్ నిర్మిస్తున్నారు. రాధికా కుమారస్వామి ఈ చిత్రాన్ని సమర్పిస్తున్నారు. షూటింగ్ పూర్తై, పోస్ట్ ప్రొడక్షన్ జరుపుకుంటోంది. 

కర్ణాటక మాజీ ముఖ్యమంత్రి కుమారస్వామి భార్య, కన్నడ  ప్రముఖ నటి రాధికా కుమారస్వామి కొత్త చిత్రం ‘భైరా దేవీ’ (Bhairavadevi).  అఘోరగా కనిపించబోతున్నారు. రాధిక బర్త్ డే సందర్భంగా భైరా దేవీ నుంచి స్పెషల్ పోస్టర్‌ను విడుదల చేశారు. పోస్టర్‌లో రాధిక త్రిశూలం చేత పట్టుకుని కనిపించారు. బ్యాక్ గ్రౌండ్‌లో అఘోరాలు కూడా కనిపిస్తున్నారు. పోలీస్ పాత్రలో రమేష్ అరవింద్ కనిపిస్తున్నారు. లేడీ అఘోర పాత్రను మెయిన్ లీడ్‌గా పెట్టి సినిమా తీస్తుండటం ఇదే మొదటి సారి కావడం విశేషం. శ్రీజై దర్శకత్వం వహించారు. హైదరాబాద్ లోనూ షూటింగ్ జరిపారు.  

కర్ణాటక మాజీ సీఎం కుమారస్వామి భార్య కన్నడ నటి అలియాస్ కుట్టి రాధిక నటిస్తున్న మరోచిత్రం ‘అజాగ్రత’ (Ajagratha) . పాన్ ఇండియా వైడ్‌గా ప్రేక్షకులను పలకరించనున్నారు. కర్ణాటకలో సూపర్ హిట్ బ్యానర్ అయిన శ్రీ దుర్గా పరమేశ్వరి ప్రొడక్షన్స్ ఈ మూవీని నిర్మిస్తోంది. రాధిక కుమారస్వామి బర్త్ డే సందర్భంగా ఏడు భాషల్లో ఫస్ట్ లుక్ పోస్టర్లను రిలీజ్ చేశారు. ఎరుపు రంగు చీర, భారీ నగలతో రాధిక నిండుగా కనిపిస్తున్నారు. ఇక పోస్టర్‌లో దీపాల వెలుగులు కూడా కనిపిస్తున్నాయి. దీపావళికి పర్‌ఫెక్ట్ పోస్టర్‌లా కనిపిస్తోంది. ది షాడోస్ బిహెండ్ ది కర్మ అనేది ఈ మూవీకి ట్యాగ్ లైన్. 

ఇక టాలీవుడ్ హీరో గోపీచంద్ (Gopichand) నటిస్తున్న లేటెస్ట్ ఫిల్మ్  Bhimaa. ఈ చిత్రానికి ఏ హర్ష దర్శకత్వం వహిస్తున్నారు. కేకే రాధాకృష్ణ శ్రీ సత్య సాయి ఆర్ట్స్ బ్యానర్ పై నిర్మిస్తున్నారు. ఈ చిత్రంలో మరోసారి గోపీచంద్ పోలీస్ ఆఫీసర్ గా అలరించబోతున్నారు. ఇవాళ దీపావళి సందర్భంగా అభిమాను ల కోసం ఫస్ట్ లుక్ ను విడుదల చేశారు. ఖాకీ దుస్తుల్లో గోపీచంద్ పవర్ ఫుల్ గా కనిపిస్తున్నారు. హెయిర్ స్టైల్, బియర్డ్ తో మాస్ పోలీస్ గా దర్శనమిచ్చారు. ప్రస్తుతం పోస్టర్ వైరల్ గా మారింది. 

‘ఢీ’ బ్యూటీ, నటి పూర్ణ (Poorna) పెళ్లి తర్వాత మళ్లీ సినిమాలపై ఫోకస్ పెట్టారు. ఆమె తాజాగా నటిస్తున్న చిత్రం Devil. ఈ చిత్రానికి ఆదిత్య రచ్చన, దర్శకత్వం అందిస్తున్నారు. మిస్కిన్ సమర్పిస్తూ మ్యూజిక్ అందిస్తున్న చిత్రం కావడంతో సినిమాపై ఇంట్రెస్ట్ క్రియేట్ అయ్యింది. ఆర్ రాధాకృష్ణన్ మరియు ఎస్ హరి నిర్మిస్తున్నారు. ప్రేక్షకులకు దీపావళి శుభాకాంక్షలు తెలుపుతూ యూనిట్ ఇంట్రెస్టింగ్ పోస్టర్ ను విడుదల చేశారు. పూర్ణ మరో ఇంట్రెస్టింగ్ సబ్జెక్ట్ తో ఆకట్టుకోబోతోందని అర్థమవుతోంది.