సమంత స్టంట్స్ ఎలా చేస్తుందో చూశారా? సూపర్ విమెన్ లా మారిపోతున్న సామ్..

సౌత్ స్టార్ హీరోయిన్ గా సమంత  ఎంతటి గుర్తింపు దక్కించుకుందో తెలిసిందే. హీరోయిన్ అంటే కేవలం గ్లామర్ కోసమే అన్నట్టు కాదని నిరూపిస్తోంది. స్టార్ హీరోల తరహాలో స్టంట్స్ కూడా చేస్తూ ఆశ్చర్యపరుస్తోంది. ఇప్పటికే ‘ది ఫ్యామిలీ మెన్’ సిరీస్ లో తన సత్తా చాటిన విషయం తెలిసిందే. 
 

సమంత ఎప్పటి నుంచో తన బాడీని ఫిట్ గా ఉంచుకుంటుంది. డైలీ వర్కౌట్స్ విషయంలో ఏమాత్రం తగ్గదు. ఇక సినిమాకు కావాల్సిన విధంగా తనను తాను మార్చుకుంటుంది. ఇటీవల కాలంలో సమంత యాక్షన్ సినిమాలపై ఫోకస్ పెట్టిన విషయం తెలిసిందే. ఇందుకోసం బాగా శ్రమిస్తోంది. 
 

‘ది ఫ్యామిలీ మెన్’, ‘యశోద’ చిత్రాల్లో సమంత యాక్షన్ తో అదరగొట్టిన విషయం తెలిసిందే. ప్రస్తుతం సామ్ అమెరికన్ సైన్స్ ఫిక్షన్ యాక్షన్ థ్రిల్లర్ ‘సిటాడెల్’ (Citadel) ఇండియన్ వెర్షన్ టీవీ సిరీస్ లో నటిస్తోంది. చిత్రం కోసం స్టంట్స్ కూడా ప్రాక్టీస్ చేస్తోంది. ఈ క్రమంలో తాజాగా ఓ యాడ్ షూట్ చేసింది సమంత.
 

ప్రముఖ కూల్ డ్రింక్ సంస్థ పెప్సీ (Pepsi) కోసం అడ్వర్టైజ్ మెంట్ షూట్ చేసింది. యాక్షన్స్ తో అదరగొడుతున్న సమంత.. యాడ్ షూట్ లోనూ తన సంంట్స్ తో ఆకట్టుకుంది. ప్రస్తుతం ఆ యాడ్ నెట్టింట వైరల్ గా మారింది. ఇక స్టంట్ చేసే సమయంలోని కొన్ని ఫొటోలను కూడా సామ్ తాజాగా పంచుకుంది. 
 

తాళ్లకు వేళాడుతూ కనిపించిన సమంత.. గాల్లో దూసుకొచ్చి  ప్రత్యర్థులపై దాడి చేస్తోంది. మరో ఫొటోలో తన గురి తప్పి వేళాడుతున్నట్టుగా కనిపిస్తుంది. కేవలం యాడ్ షూట్ కే సమంత ఇంతలా శ్రమించిందంటే.. ‘సిటాడెల్’ కోసం ఇంకెలా స్టంట్స్ చేస్తుందోననేది ఆసక్తి నెలకొంది. ఈ సిరీస్ ను ఫ్యామిలీమెన్ ద్వయం దర్శకత్వం రాజ్ అండ్ డీకే డైరెక్ట్ చేస్తున్నారు.బాలీవుడ్ స్టార్ వరుణ్ ధావన్ ప్రధాన పాత్రలో నటిస్తున్నారు.  

వయోసైటిస్ వ్యాధి నుంచి ఇప్పుడిప్పుడే సమంత కోలుకుంటున్నారు. తాజాగా ‘శాకుంతలం’ తోనూ అలరించింది.  ఈక్రమంలోనే అటు తన లైనప్ లోని ‘ఖుషీ’, ‘సిటాడెల్’ షూటింగ్ లో పాల్గొంటున్నారు.  ప్రస్తుతం విజయ్ దేవరకొండ సరసన నటిస్తున్న ‘ఖుషి’ని పూర్తి చేసే పనిలో ఉందని తెలుస్తోంది. సామ్ పుట్టిన రోజు సందర్భంగా నిన్న వచ్చిన స్పెషల్ పోస్టర్ ఆకట్టుకుంటోంది. సెప్టెంబర్ 1న చిత్రం ప్రపంచ వ్యాప్తంగా విడుదల కానుంది.