సైఫ్ అలీ ఖాన్ "హెల్త్ ఇన్సూరెన్స్" క్లైమ్ పై వివాదం
సైఫ్ అలీ ఖాన్పై దాడి జరిగిన తర్వాత, ఆయన రూ.36 లక్షల హెల్త్ ఇన్సూరెన్స్ క్లెయిమ్ చేశారు. ఈ క్లెయిమ్ త్వరగా ఆమోదించడంపై వైద్య నిపుణుల సంస్థ అభ్యంతరం వ్యక్తం చేసింది.
బాలీవుడ్ యాక్టర్ సైఫ్ అలీ ఖాన్పై దాడి జరిగిన విషయంలో ప్రతీది సంచలనంగా మారుతున్న సంగతి తెలిసిందే. తెల్లవారుజామున ఆయన ఇంట్లోకి ప్రవేశించిన దుండగుడు కత్తితో దాడిచి సైఫ్ అలీ ఖాన్ని గాయపరిచాడు. సైఫ్ శరీరంపై ఆరో చోట్ల గాయాలయ్యాయి.
వెన్నెముకపై తీవ్ర గాయం కావడంతో పాటు మెడపై గాయాలు ఉన్నాయి. దాడి జరిగిన వెంటనే అతని నివాసం ఉన్న బాంద్రా నుంచి లీలావతి ఆస్పత్రికి తరలించారు. ఆయనకు డాక్టర్లు శస్త్రచికిత్స నిర్వహించి, ఆయన వెన్నుముకలో విరిగిన కత్తి భాగాన్ని బయటకు తీశారు. ప్రస్తుతం అతడి ఆరోగ్యం బాగానే ఉందని వైద్యులు చెప్పారు.
saif ali khan
ఐదు రోజుల తర్వాత సైఫ్ ఆస్పత్రి నుంచి డిశ్చార్జ్ అయ్యాడు. దాదాపు వారం రోజులుగా సైఫ్ అలీఖాన్ బిల్లు రూ.36 లక్షలు అయ్యిందని కథనాలు చెబుతున్నాయి. సైఫ్ అలీ ఖాన్ రూ. 35.95 లక్షల హెల్త్ ఇన్సూరెన్స్ క్లెయిమ్ చేసినట్లు ప్రముఖ హెల్త్ ఇన్సూరెన్స్ సంస్థ నివా బుపా పేర్కొంది.
క్లెయిమ్ చేసిన దాంట్లో రూ. 25 లక్షలు అప్రూవ్ చేసినట్లు వెల్లడించింది. పూర్తి చికిత్స తర్వాత తుది బిల్లులు సమర్పించిన తర్వాత మిగిలిన మొత్తాన్ని సెటిల్ చేస్తామని నివా బుపా పేర్కొంది. సైఫ్ హెల్త్ ఇన్సూరెన్స్ వివరాలు సోషల్ మీడియాలో కనిపించాయి. చికిత్స ఖర్చు, అతడి డిశ్చార్జ్ తేదీల వివరాలు వెల్లడించింది.
ఈ వ్యవహారంపై ముంబైకి చెందిన వైద్య నిపుణుల సంస్థ ‘‘అసోసియేషన్ ఆఫ్ మెడికల్ కన్సల్టెంట్స్’’ సైఫ్ ఇన్సూరెన్స్ క్లెయిమ్స్ని ప్రశ్నించింది. సైఫ్ ఇన్సూరెన్స్ని త్వరగా ఆమోదించిన విధానాన్ని ప్రశ్నిస్తూ వైద్య నిపుణుల సంస్థ ఇన్సూరెన్స్ రెగ్యులరేటరీ సంస్థ అయిన ‘‘ఇన్సూరెన్స్ రెగ్యులేటరీ అండ్ డెవలప్మెంట్ అథారిటీ ఆఫ్ ఇండియా (IRDAI)’’కి లేఖ రాసింది.
‘‘మిస్టర్ సైఫ్ అలీ ఖాన్ తన బీమా పాలసీ కింద నగదు రహిత చికిత్స కోసం రూ. 25 లక్షలు మంజూరు చేయబడ్డారనే ఇటీవలి వార్తల గురించి మా ఆందోళన మరియు అసంతృప్తిని వ్యక్తం చేయడానికి లేఖ రాస్తున్నాము. ఇది సాధారణ పాలసీదారులతో పోలిస్తే సైఫ్ అలీ ఖాన్కి ఎక్కువ ప్రాధాన్యత ఇచ్చినట్లు తెలుస్తోంది’’ అని చెప్పింది.
ఇది సెలబ్రిటీలు, ఉన్నతస్థాయి వ్యక్తులు, కార్పొరేట్ పాలసీలు ఉన్న రోజులకు అనులకూమైన నిబంధనలు, అధిక నగదు రహిత చికిత్స పరిమితులను పొందుతున్నారని, అయితే సాధారణ పౌరులకు తగినంత కవరేజ్, తక్కువ రీఎయింబర్స్మెంట్ రేట్లతో ఇబ్బంది పడుతున్నారని వైద్యుల సంస్థ పేర్కొంది.
సైఫ్ అలీ ఖాన్ హెల్త్ ఇన్సూరెన్స్ సామాన్యులు, ఉన్నతులకు మధ్య అన్యాయమైన అసమానతలను సృష్టిస్తోందని మెడికల్ కన్సల్టెటంట్స్ అసోసియేషన్ పేర్కొంది. సామాజిక హోదాతో సంబంధం లేకుండా భీమా అందరికి రక్షణగా ఉండాలని కోరుకుంటున్నట్లు తెలిపింది. ఈ విషయాన్ని దర్యాప్తు చేయాలని, సామాజిక హోదాతో సంబంధం లేకుండా అన్ని పాలసీదారులను సమానంగా చూసేలా చూసుకోవాలని సంస్థ IRDAIని అభ్యర్థించింది.