డైరెక్టర్లకు పర్సనల్ గా ఫోన్ చేస్తా, ఆ పని చేయాల్సిందే..టిల్లు హీరోయిన్ ఓపెన్ కామెంట్స్

ఒక్క చిత్రంతోనే యూత్ కి క్రష్ గా మారిపోయింది నేహా శెట్టి. నాజూకు సొగసుతో ఆకట్టుకునే నేహా శెట్టి.. డీజే టిల్లు చిత్రంతో బంపర్ హిట్ అందుకుంది. ఆ మూవీలో గ్లామర్ మాత్రమే కాదు.. రొమాన్స్ తో కూడా యువతని ఆకట్టుకుంది.

ఒక్క చిత్రంతోనే యూత్ కి క్రష్ గా మారిపోయింది నేహా శెట్టి. నాజూకు సొగసుతో ఆకట్టుకునే నేహా శెట్టి.. డీజే టిల్లు చిత్రంతో బంపర్ హిట్ అందుకుంది. ఆ మూవీలో గ్లామర్ మాత్రమే కాదు.. రొమాన్స్ తో కూడా యువతని ఆకట్టుకుంది. ఆ తర్వాత నేహా శెట్టికి వరుస అవకాశాలు వచ్చాయి. 

బెదురులంక, రూల్స్ రంజన్, గ్యాంగ్స్ ఆఫ్ గోదావరి చిత్రాల్లో నేహా శెట్టి ఆఫర్స్ అందుకుంది. ప్రస్తుతం నిర్మాతలు నేహా శెట్టి డేట్స్ కోసం క్యూ కడుతున్నట్లు వార్తలు వస్తున్నాయి. రీసెంట్ గా టిల్లు స్క్వేర్ చిత్రంలో నేహా శెట్టి గెస్ట్ రోల్ లో మెరిసింది. తాజాగా ఇంటర్వ్యూలో నేహా శెట్టి టాలీవుడ్ లో అవకాశాల గురించి షాకింగ్ కామెంట్స్ చేసింది. 

ప్రస్తుతం కాస్టింగ్ కౌచ్ గురించి చర్చ జరుగుతున్న సమయంలో నేహా శెట్టి చేసిన వ్యాఖ్యలు వైరల్ అవుతున్నాయి. అయితే నేహా శెట్టి చేసింది కాస్టింగ్ కౌచ్ గురించి కాదు. కొన్నిసార్లు హీరోయిన్లని వెతుక్కుంటూ అవకాశాలు వస్తాయి. కానీ ప్రతిసారి అలా జరగదు కదా.. ఆఫర్స్ కోసం మీరేం చేస్తారు అని యాంకర్ ఇంటర్వ్యూలో నేహా శెట్టిని ప్రశ్నించింది. 

నేహా శెట్టి బదులిస్తూ.. డైరెక్టర్లతో తప్పనిసరిగా టచ్ లో ఉండాలి. నేను వాళ్ళకి ఫోన్ చేసి అవకాశం అడుగుతా. అందులో తప్పులేదు. ఎందుకంటే ఒక చిత్రంలో నటించేందుకు మనం ఎంత ఇంట్రెస్ట్ గా ఉన్నామో వాళ్ళకి తెలియాలంటే మనమే చెప్పాలి. జస్ట్ ఆఫర్ ఇవ్వమని అడగడం వేరు.. ఈ చిత్రానికి నేను బాగా సరిపోతాను నేను యాక్ట్ చేయగలను అని చెప్పడం వేరు. 

లేకుంటే మనల్ని ఎందుకు తీసుకుంటారు ? ఇక్కడ వందలమంది అమ్మాయిలు అవకాశాల కోసం ఎదురుచూస్తున్నారు. నేను డైరెక్టర్లకు ఫోన్ చేసి.. సర్ మీరు ఈ చిత్రం చేస్తున్నారని తెలిసింది. మీ కథకి నేను న్యాయం చేస్తానని అనిపిస్తే నన్ను కన్సిడర్ చేయండి అని రిక్వస్ట్ చేస్తా. అందులో తప్పు లేదు కదా అని నేహా శెట్టి తెలిపింది. 

మనం ఇండస్ట్రీలో ఉన్నాం అని వాళ్ళకి తెలియాలంటే ఇలాంటివి తప్పవు అని పేర్కొంది. అదే విధంగా స్టార్ హీరోలతో నటించాలని నాకూ ఉంటుంది. అలాగని ఫ్లాప్ ఇచ్చిన హీరోలతో వర్క్ చేయకుండా ఉండను. మంచి ఆఫర్ అనిపిస్తే తప్పకుండా చేస్తా అని నేహా శెట్టి పేర్కొంది.