Unstoppable with NBK2: పవన్ ని బాలయ్య అడగబోయే ప్రశ్నలు లీక్ ?.. షో మధ్యలో షాకింగ్ సర్పైజ్..

నందమూరి బాలకృష్ణ హోస్ట్ గా చేస్తున్న అన్ స్టాపబుల్ సీజన్ 2 యమా క్రేజీగా దూసుకుపోతోంది. ఎప్పుడూ కెమెరా ముందుకు వచ్చి ఇంటర్వ్యూలు ఇవ్వని బిగ్ స్టార్స్ కూడా బాలయ్య షోకి హాజరవుతున్నారు.

నందమూరి బాలకృష్ణ హోస్ట్ గా చేస్తున్న అన్ స్టాపబుల్ సీజన్ 2 యమా క్రేజీగా దూసుకుపోతోంది. ఎప్పుడూ కెమెరా ముందుకు వచ్చి ఇంటర్వ్యూలు ఇవ్వని బిగ్ స్టార్స్ కూడా బాలయ్య షోకి హాజరవుతున్నారు. ఆసక్తిరేకెత్తించే ప్రశ్నలు.. వినోదాన్ని అందించే అల్లరితో అన్ స్టాపబుల్ దూసుకుపోతోంది. బాలయ్య షోకి ఇప్పటికే నారా చంద్రబాబు నాయుడు, లోకేష్, విశ్వక్ సేన్, శర్వానంద్, అడివి శేష్ లాంటి హీరోలు హాజరయ్యారు. మాజీ సీఎం కిరణ్ కుమార్ రెడ్డి కూడా ఈ షోలో మెరిశారు. 

నెక్స్ట్ ఎపిసోడ్ గురించి అందరిలో అంతులేని ఆసక్తి నెలకొంది. ఎందుకంటే నెక్స్ట్ ఎపిసోడ్ కి పాన్ ఇండియా స్టార్ ప్రభాస్ హాజరవుతున్నారు. ప్రభాస్ తో పాటు గోపీచంద్ కూడా బాలయ్యతో కలసి సందడి  చేయబోతున్నాడు. ఈ ఎపిసోడ్ డిసెంబర్ 30న టెలికాస్ట్ కాబోతోంది. ఇటీవల విడుదలైన ప్రోమో దుమ్మురేపుతోంది. అలాగే పవర్ స్టార్ పవన్ కళ్యాణ్ కూడా ఈ షోకి హాజరువుతుండడం ఖరారైన సంగతి తెలిసిందే. 

పవన్ కళ్యాణ్, బాలయ్య ఒకే వేదికపై కనిపించడం కలలో కూడానా ఊహించని సంఘటన. అలాంటిది అది సాధ్యం కాబోతోంది. ఇక అన్ స్టాపబుల్ షోలో బాలయ్య చేస్తున్న అల్లరి చూస్తూనే ఉన్నాం. పవన్ కళ్యాణ్ ఎప్పుడూ సైలెంట్. అలాంటిది వీరిద్దరూ ఒకే వేదికపై కనిపిస్తే ఎలా ఉంటుంది అనే ఉత్కంఠ అందరిలో ఉంది. బాలయ్య, పవన్ ఎపిసోడ్ కి త్రివిక్రమ్ కూడా హాజరు కాబోతున్నట్లు తెలుస్తోంది. 

ఈ నేపథ్యంలో బాలయ్య, పవన్ ఎపిసోడ్ కి సంబంధించి అనేక లీకులు మొదలయ్యాయి. బాలయ్య పవన్ కళ్యాణ్ ని ఎలాంటి ప్రశ్నలు అడగబోతున్నారు. రాజకీయాలపై ఎలాంటి చర్చ ఉండబోతోంది. పవన్ కళ్యాణ్ వ్యక్తిగత జీవితం గురించి బాలయ్య ప్రశ్నిస్తారా ఇలా చాలా అనుమానాలు అభిమానుల్లో ఉన్నారు. ఈ నేపథ్యంలో బాలకృష్ణ పవన్ కళ్యాణ్ ని అడగబోయే కొన్ని ప్రశ్నలు ఇవే అంటూ సోషల్ మీడియాలో న్యూస్ వైరల్ అవుతోంది. 

పవన్ కళ్యాణ్ రాజకీయ వ్యవహారాలు, సినిమాల విషయంలో త్రివిక్రమ్ ప్రమేయం ఉంటోంది అని బయట చాలా కాలంగా రూమర్ నడుస్తోంది. దాని గురించి బాలయ్య పవన్ ని ప్రశ్నించనున్నారట. అలాగే ఎక్కువగా రీమేక్ చిత్రాలు చేయడానికి గల కారణం కూడా బాలయ్య తెలుసుకోబోతున్నారు. పవన్ కళ్యాణ్ వ్యక్తిగత జీవితం గురించి తెలియదు కానీ.. సోషల్ మీడియాలో వైరల్ అవుతున్న ఒక నటి విషయంలో క్లారిటీ మాత్రం తీసుకోబోతున్నట్లు తెలుస్తోంది. 

అలాగే టిడిపి, జనసేన పొత్తు విషయంలో బాలకృష్ణ పవన్ కళ్యాణ్ అభిప్రాయం తెలుసుకోబోతున్నట్లు తెలుస్తోంది. ఇక ఈ ఎపిసోడ్ లో మరో బిగ్ సర్ప్రైజ్ ఉండబోతున్నట్లు తెలుస్తోంది. షో మధ్యలో బాలకృష్ణకి మెగాస్టార్ చిరంజీవి ఫోన్ చేసి పవన్ కళ్యాణ్ తో ముచ్చటించబోతున్నారట. పవన్ ని సరదాగా ఆటపట్టించే విషయాలని బాలయ్య చిరంజీవిని అడిగి తెలుసుకోబోతున్నట్లు టాక్. మొత్తంగా బాలయ్య, పవన్ ఎపిసోడ్ పై కనీవినీ ఎరుగని అంచనాలు మొదలయ్యాయి.