మంచు మనోజ్‌, భూమా మౌనిక రెండో పెళ్లిలో బిగ్‌ ట్విస్ట్.. తెరపైకి కొత్త కోణం.. చాలా కాలంగా ఒకే ఇంట్లో?

మంచు మనోజ్‌(Manchu Manoj) హీరోగా స్ట్రగులింగ్‌లో ఉన్నారు. ఆయన నటించిన సినిమాలన్నీ వరుస పరాజయాలు అవుతున్న నేపథ్యంలో కొంత గ్యాప్‌ తీసుకున్నారు. మంచి ప్రాజెక్ట్ లతో రావాలని నిర్ణయించుకున్నారు. చాలా కాలంగా బయట కనిపించని మంచు మనోజ్‌ ఇటీవల వినాయక చవితి పండుగ సందర్భంగా బయటకొచ్చారు. అభిమానులకు, తెలుగు ప్రజలకు పెద్ద షాక్‌ ఇచ్చాడు. 
 

మంచు మనోజ్‌.. ఇటీవల సితాఫల్‌ మండి వద్ద ఓ గణపతి మండపాన్ని సందర్శించారు. తన ఫ్రెండ్‌ ఆహ్వానం మేరకు ఆయన ఈ మండపానికి వచ్చినట్టు తెలుస్తుంది. అయితే  మనోజ్‌ ఒంటరిగా రాలేదు, భూమా నాగిరెడ్డి కూతురు భూమా మౌనిక(Bhuma Mounika)తో కలిసి రావడంతోపాటు వినాయకుడి వద్ద పూజా కార్యక్రమంలో పాల్గొన్నారు. ఇదే షాకిచ్చే వార్త. దీంతో ఆయన రెండో పెళ్లి(Manchu Manoj Second Marriage) చేసుకోబోతున్నారని, మౌనికతో ఆయన వివాహం జరగబోతుందని, అందుకే అభిమానులకు, ప్రజలకు పరిచయం చేయాలనే ఉద్దేశ్యంతో మంచు మనోజ్‌ ఇలా వచ్చారనే ప్రచారం ఊపందుకుంది. 
 

ఇందులో మనోజ్‌, మౌనిక చాలా క్లోజ్‌గా మూవ్‌ అయ్యారు. ఆల్మోస్ట్ ఒక భార్యాభర్తలు మాదిరిగా కనిపించారు. దీంతో జనాలంతా ఈ ఇద్దరు పెళ్లి చేసుకోబోతున్నారనే విషయాన్ని కన్ఫమ్‌ చేసుకుంటున్నారు. ఇదిలా ఉంటే ఇందులోనే రెండో పెళ్లి చేసుకోబోతున్నారా? అనే ప్రశ్నకి మనోజ్‌ స్పందిస్తూ, అది పర్సనల్‌ విషయమని, ఓ మంచి రోజు వాటి గురించి చెబుతానని, అలాగే రాజకీయాలకు సంబంధించిన ఎంట్రీ విషయాలను కూడా చెబుతానని తెలిపారు. తన సినిమా `ఆహాం బ్రహ్మాస్మి` ఆగిపోయిందని, త్వరలో తిరిగి ప్రారంభిస్తామన్నారు. 
 

మంచు మనోజ్‌ రెండో వివాహం కన్పమే అనేదానిపై చర్చ నడుస్తున్న క్రమంలో తాజాగా మరో కోణం ఇప్పుడు తెరపై రావడంతోపాటు హాట్‌ టాపిక్‌ అవుతుంది. చాలా కాలంగా మంచు మనోజ్‌, మౌనిక కలిసే ఉంటున్నారని, మౌనిక ఇప్పుడు మంచు మనోజ్‌ ఇంట్లోనే ఉంటుందనేది లేటెస్ట్ షాకిచ్చే వార్త. ఇద్దరు కలిసే ఉండనిది, ఎలా కలిసి వస్తారనే చర్చ ఇప్పుడు తెరపైకి వస్తుంది. 
 

భూమా మౌనికకి ఆల్‌ రెడీ వేరే వ్యక్తితో పెళ్లయ్యింది. వీరికి ఓ బాబు కూడా ఉన్నారు.  కాకపోతే మొదటి భర్తకి ఆమె విడాకులు ఇచ్చింది. ఆ విడాకుల పత్రాలు కూడా వచ్చాయని తెలుస్తుంది. అందుకే మనోజ్‌తో ఉంటున్నట్టు సమాచారం. అలాగే మనోజ్‌కి కూడా ప్రణతితో మ్యారేజ్‌ అయిన విషయం తెలిసిందే. వీరి కూడా వ్యక్తిగత కారణాలతో విడిపోయారు. దీంతో చాలా రోజులుగా మనోజ్‌ ఒంటరిగానే ఉంటున్నారు. 
 

ఇదిలా ఉంటే వీరిద్దరి రిలేషన్‌లో మరో మైండ్‌ బ్లోయింగ్‌ చేసే వార్త బయటకొచ్చింది. భూమా నాగిరెడ్డి, మంచు మోహన్‌బాబు ఫ్యామిలీల మధ్య చాలా కాలంగా మంచి రిలేషన్‌షిప్‌ ఉందట. మనోజ్‌, మౌనికలకు పెళ్లిళ్లు కాకముందే వీరిద్దరు బాగా పరిచయం అట. అది ప్రేమించుకునేంత పరిచయం అని భోగట్టా. అయితే అప్పుడే వీరిద్దరి మ్యారేజ్‌కి సంబంధించి ఇరు కుటుంబాల్లో చర్చ జరిగిందని, కానీ ఇద్దరి కమ్యూనిటీలు వేరు కావడంతో వెనక్కి తగ్గినట్టు సమాచారం. 
 

దీంతో మనోజ్‌ ప్రణతిని పెళ్లి చేసుకోగా, మౌనిక మరో వ్యక్తితో పెళ్లి అయ్యింది. కానీ వారిద్దరు విడాకులు తీసుకున్నారు. పెళ్లైన తర్వాత కూడా మౌనిక, మనోజ్‌లు టచ్‌లోనే ఉన్నారని తెలుస్తుంది. ఎవరికి వారు విడాకులిచ్చి ఫ్రీ అవడంతో మళ్లీ కలిసిపోయారని, ఈ లోపు భూమా నాగిరెడ్డి దంపతులు కూడా కన్నుమూశారు. దీంతో వారికి మంచు ఫ్యామిలీ పరోక్షంగా అండగా నిలిచిందని, అలా మళ్లీ మౌనిక మనోజ్‌కి దగ్గరయ్యిందని, ఇప్పుడు ఇద్దరూ కలిసే ఉంటున్నారని సమాచారం. త్వరలోనే మంచి రోజు చూసుకుని పెళ్లి ప్రకటన చేసే అవకాశం ఉందని, తాజాగా మంచు మనోజ్‌ చేసిన వ్యాఖ్యలను బట్టి అర్థమవుతుంది. మరి ఇందులో నిజమెంతా అనేది తెలియాల్సి ఉంది. ప్రస్తుతం ఇది రెండు తెలుగు రాష్ట్రాల్లో హాట్‌ టాపిక్‌ అవుతుంది.