సుడిగాలి సుధీర్ కి అందరి ముందు వార్నింగ్ ఇచ్చిన కాజల్... ఇంతకీ ఏం జరిగింది?
స్టార్ యాంకర్ కమ్ హీరో సుడిగాలి సుధీర్ కి షోలో వార్నింగ్ ఇచ్చింది కాజల్ అగర్వాల్. ఆయన చేసిన తప్పేంటని పరిశీలిస్తే...
Kajal Aggarwal
సుడిగాలి సుధీర్ ఆహా లో ఒక షో చేస్తున్నాడు. సర్కార్ పేరుతో గేమ్ షోకి యాంకర్ గా వ్యవహరిస్తున్నాడు. గతంలో సర్కార్ షోకి ప్రదీప్ మాచిరాజు యాంకర్ గా ఉన్నాడు. అతడి స్థానంలోకి సుడిగాలి సుధీర్ వచ్చాడు. ఇటీవల మొదలైన సర్కార్ సీజన్ 4 సక్సెస్ఫుల్ గా సాగుతుంది.
![article_image2](https://static-ai.asianetnews.com/images/01hxx415we5mcxspnfsgrgex5j/whatsapp-image-2024-05-15-at-07-51-49--2--jpeg_300x176xt.jpg)
Kajal Aggarwal
కాగా లేటెస్ట్ ఎపిసోడ్ కి కాజల్ అగర్వాల్ గెస్ట్ గా వచ్చింది. నవీన్ చంద్ర సైతం పాల్గొన్నాడు. కాజల్ అగర్వాల్ ప్రధాన పాత్ర చేసి సత్యభామ మూవీ విడుదలకు సిద్ధమైంది. సత్యభామ చిత్ర ప్రమోషన్స్ లో భాగంగా కాజల్ అగర్వాల్, నవీన్ చంద్ర, దర్శకుడు సుమన్ చిక్కాల సర్కార్ షోకి వచ్చాడు.
Kajal Aggarwal
ఇక కాజల్ రావడంతో సుడిగాలి సుధీర్ ఆమెతో పులిహోర కలపడం స్టార్ట్ చేశాడు. నేల మీద చూసిన చందమామ అని పరిచయం చేశాడు. కాజల్ చేతిని తాకి మంది 500 ఏళ్ల నాటి బంధం... అంటూ మగధీర మూవీ థీమ్ ని కాజల్ కి గుర్తు చేశాడు. అయితే నువ్వు కాలకేయ అని కాజల్ చెప్పడంతో షాక్ అయ్యాడు.
Kajal Aggarwal
సుడిగాలి సుధీర్, కాజల్ మధ్య ఆసక్తికర సంభాషణ జరిగింది. సుడిగాలి సుధీర్.... తన మ్యాజిక్ తో కాజల్ ని ఫిదా చేశాడు. తన కొడుకును ముద్దాడుతున్న ఫోటో ని టీ షర్ట్ పై ప్రదర్శించి కాజల్ మనసు దోచుకున్నాడు. ఇక సత్యభామ మూవీలో మీ రోల్ ఏమిటని అడిగాడు. ఏసీపీ అని కాజల్ చెబుతుంది.
Kajal Aggarwal
మరి ఇంట్లో మీరు సత్యభామనా చందమామనా? అని అడగ్గా... కొడుకు నీల్ విషయంలో తాను చందమామను. భర్త గౌతమ్ విషయంలో మాత్రం సత్యభామను అని కాజల్ చక్కని సమాధానం చెప్పింది. షో చివర్లో మాత్రం కాజల్ సుధీర్ మీద ఫైర్ అయ్యింది.
Kajal Aggarwal
డబ్బులు లెక్కించే టాస్క్ ఇవ్వగా... ఆ గేమ్ లో నిమగ్నమైన కాజల్ ని సుధీర్ తన మాటలతో డిస్ట్రబ్ చేస్తాడు. దాంతో నువ్వు నన్ను డైవర్ట్ చేస్తున్నావని కాజల్ ఒకింత ఫైర్ అయ్యింది. అయితే అది సీరియస్ గొడవ కాదులెండి. గేమ్ గెలవాలనే కసిలో సుధీర్ ని అలా చిన్న వార్నింగ్ ఇచ్చింది. అదన్నమాట మేటర్...