భార్య ఊహతో విబేధాలు... 25ఏళ్ల కాపురం తర్వాత విడాకులకు సిద్ధమైన హీరో శ్రీకాంత్?

టాలీవుడ్ మోస్ట్ లవ్లీ కపుల్ గా పేరు తెచ్చుకున్న శ్రీకాంత్-ఊహ విడిపోతున్నారన్న వార్త టాలీవుడ్ ని ఊపేస్తోంది. అన్యోన్య దంపతులుగా పేరు తెచ్చుకున్న వీరిద్దరికి అంత సమస్య ఏమొచ్చిందనే ఊహాగానాలు మొదలయ్యాయి.  

Srikanth-Ooha

హీరో శ్రీకాంత్ భార్య ఊహకు విడాకులు ఇస్తున్నారన్న వార్త సంచలనంగా మారింది. గత రెండు రోజులుగా ఈ న్యూస్ చక్కర్లు కొడుతుంది. శ్రీకాంత్-ఊహల అన్యోన్యత గురించి తెలిసిన జనాలు వాపోతున్నారు. విడిపోయేంత సమస్య ఏమొచ్చిందని చర్చించుకుంటున్నారు. 

కన్నడ పరిశ్రమలో ఊహ కెరీర్ మొదలైంది. ఊహ ఎక్కువగా తమిళ చిత్రాల్లో నటించారు. 1994లో విడుదలైన 'ఆమె' మూవీతో తెలుగు చిత్ర పరిశ్రమలో అడుగుపెట్టారు. దర్శకుడు ఇవివి సత్యనారాయణ ట్ తెరకెక్కించిన ఆమె బ్లాక్ బస్టర్ హిట్ అందుకుంది. ఆమె మూవీలో శ్రీకాంత్, నరేష్ హీరోలుగా చేశారు. 

ఆమె సినిమా సెట్స్ లోనే  ప్రేమకు పునాది పడింది. చాలా కాలం ఈ జంట రహస్యంగా ప్రేమించుకున్నారు. ఆమె తర్వాత ఊహ వరుసగా తెలుగులో చిత్రాలు చేశారు. టైర్ టు హీరోల చిత్రాల్లో హీరోయిన్ గా చేసిన ఊహ కొన్ని లేడీ ఓరియెంటెడ్ చిత్రాల్లో నటించారు. 

1997లో శ్రీకాంత్-ఊహ వివాహం చేసుకున్నారు. వీరి పెళ్ళికి పరిశ్రమకు చెందిన ప్రముఖులు హాజరయ్యారు. 25 ఏళ్లుగా శ్రీకాంత్-ఊహ కలిసి కాపురం చేస్తున్నారు. వీరికి ఇద్దరు అబ్బాయిలు, ఒక అమ్మాయి. పెద్ద కొడుకు రోషన్ ఇప్పటికే హీరోగా పరిశ్రమకు పరిచయమయ్యారు. నిర్మల కాన్వెంట్, పెళ్ళిసందD చిత్రాల్లో రోషన్ హీరోగా నటించాడు. 

 కొన్నాళ్లుగా శ్రీకాంత్ తో ఊహకు విబేధాలు తలెత్తుతున్నాయట. ఆర్థికపరమైన ఇబ్బందులు వీరి మధ్య గొడవలకు కారణమయ్యాయని సమాచారం. మనస్పర్థలు తారాస్థాయికి చేరడంతో విడాకులు తీసుకొని విడిపోవాలని నిర్ణయం తీసుకున్నారట. 

దీనిపై ఎలాంటి అధికారిక ప్రకటన లేదు. అయినప్పటికీ ప్రముఖంగా వినిపిస్తోంది. ఈ క్రమంలో శ్రీకాంత్ లేదా ఊహ... ఇద్దరిలో ఎవరైనా స్పందిస్తే తప్పా స్పష్టత రాదు. జరుగుతున్న ప్రచారంలో నిజమెంతో తెలియదు. 

కెరీర్ పరంగా శ్రీకాంత్ ఒడిదుడుకులు ఎదుర్కొంటున్నారు. హీరోగా ఫేడ్ అవుటైన శ్రీకాంత్ విలన్ గా, క్యారెక్టర్ ఆర్టిస్ట్ గా నిలదొక్కుకోవాలని ప్రయత్నం చేస్తున్నారు. శ్రీకాంత్ విలన్ రోల్ చేసిన అఖండ మంచి విజయం సాధించింది. అయినప్పటికీ ఆయనకు చెప్పుకోదగ్గ స్థాయిలో ఆఫర్స్ రావడం లేదు. ఇక కొడుకు రోషన్ ని హీరోగా నిలబెట్టాలని తీవ్ర ప్రయత్నం చేస్తున్నారు.