కుర్రాళ్లను కలవరపెడుతున్న ‘కుమారి’ చూపులు.. బ్లూ చుడీదార్ లో హోయలు పోయిన హేబా పటేల్..

టాలీవుడ్ హీరోయిన్ హేబా పటేల్  (Hebha Patel) తాజాగా ‘ఓదెల రైల్వే స్టేషన్’ చిత్రంతో ప్రేక్షకులను అలరిస్తోంది. అద్భుతమైన పెర్పామెన్స్ తో ఆకట్టుకుంటోంది. మరోవైపు ఈ బ్యూటీ చేసిన ఫొటోషూట్ పిక్స్ కూడా నెట్టింట వైరల్ అవుతున్నాయి. 

యంగ్ హీరోయిన్, గ్లామర్ బ్యూటీ  హేబా పటేల్ కు యూత్ లో కాస్తా మంచి ఫాలోయింగే ఉంది. అమ్మడు అందాలకు తెలుగు ఆడియెన్స్ ఎప్పుడో ఫిదా అయ్యారు. దీంతో హేబాకు టాలీవుడ్ లో వరుస ఆఫర్లు దక్కుతున్నాయి.

తాజాగా హేబా పటేల్ నటించిన చిత్రం ‘ఓదెల రైల్వే స్టేషన్’ (Odela Railway Station). ఈ చిత్రాన్ని ప్రముఖ ఓటీటీ సంస్థ ‘ఆహా’ కోసం నిర్మించారు. ఓదేల గ్రామంలో జరిగిన వాస్తవ ఘటనల ఆధారంగా మూవీ రూపుదిద్దుకుంది. ఈ నెల 26 నుంచే ‘ఆహా’లో స్ట్రీమింగ్ అవుతోంది. 

ప్రముఖ దర్శకుడు సంపత్ నంది కథ సమకూర్చగా, దర్శకుడు అశోక్ తేజ  డైరెక్ట్ చేశారు. క్రైమ్ థ్రిల్లర్ గా ప్రేక్షకుల ముందుకు వచ్చిన ఈ చిత్రం ఓటీటీ ఆడియెన్స్ ను ఆకట్టుకుంటోంది. ముఖ్యంగా హేబా పటేల్ పెర్ఫామెన్స్ కు ఫిదా అవుతున్నారు. పల్లెటూరి మహిళ పాత్రలో కుమారి అద్భుతంగా నటించింది. 

ప్రస్తుతం ఈ చిత్రం ఓటీటీలో దూసుకుపోతుండగా.. ప్రచారంలో భాగంగా హేబా సోషల్ మీడియాలో వరుసగా మెరుస్తోంది. ఈ సందర్భంగా అదిరిపోయే అవుట్ ఫిట్స్ లో అందాల విందు చేస్తూ నెటిజన్లను తనవైపు తిప్పకుంటోంది. ఓ వైపు గ్లామర్ విందు చేస్తూనే.. మరోవైపు తన సినిమాను ప్రమోట్ చేసుకుంటోంది.

తాజాగా ఈ బ్యూటీ పంచుకున్న ఫొటోల్లో హేబా ట్రెడిషనల్ లుక్ లో దర్శనమిచ్చింది. బ్లూ చుడీదార్ లో మెరిసిపోతున్న హేబా.. కంగారు చూపులతో కుర్రాళ్లను కలవరపెడుతోంది. సిగ్గుమొగ్గలేస్తూ నేల చూపులతో నెటిజన్లను ఆకట్టుకుంటోంది. ఈ ఫొటోలను లైక్స్, కామెంట్లతో షేర్ చేస్తున్నారు. 

‘కుమారి 21 ఎఫ్’ చిత్రంతో మంచి గుర్తింపు తెచ్చుకున్న హేబా పటేల్ టాలీవుడ్ లోనే సెటిల్ అయ్యింది. బ్యాక్ టు బ్యాక్ చిత్రాలో నటిస్తూ ప్రేక్షకులను అలరిస్తోంది. గతేడాది రామ్ పోతినేని నటించిన ‘రెడ్’ చిత్రంలో ఐటెం సాంగ్ లో నటించి అందాలను ఆరబోసింది. తాజాగా ‘ఓదెల రైల్వే స్టేషన్’ మూవీతో ఆకట్టుకుంటోంది.

హేబా ప్రస్తుతం చేతి నిండా సినిమాలతో బిజీగా ఉంది. ఈ బ్యూటీ నటించిన తెలుగు చిత్రాలు ‘తెలిసినవాళ్లు, గీత’ రిలీజ్ కు సిద్ధంగా ఉన్నాయి. అలాగే తమిళంలోనూ మరో రెండు చిత్రాల్లో నటిస్తోంది. అందులో ఒకటి ‘వల్లన్’ షూటింగ్ పూర్తికాగా.. ‘ఆద్య’ మూవీ షూటింగ్ దశలో ఉంది.