పెళ్ళైన 16 రోజులకే నిజస్వరూపం బయటపెట్టాడు... యాసిడ్ పోస్తాను అన్నాడు, బిగ్ బాస్ కంటెస్టెంట్ పై ఎస్తేరు ఫైర్!
నటి ఎస్తేరు నోరాన్హ మాజీ భర్త మీద కీలక ఆరోపణలు చేసింది. పెళ్లైన కొద్దిరోజుల్లో అతని నిజ స్వరూపం తెలిసింది అంటూ ఫైర్ అయ్యింది. విడాకులకు ఆమె పరోక్షంగా కారణాలు చెప్పింది.
Ester Noronha
బెహ్రెయిన్ దేశంలో పుట్టిన ఎస్తేరు నోరాన్హ బాలీవుడ్ లో అడుగు పెట్టింది. ఆమె మొదటి చిత్రం బరోమాస్. 1000 అబద్దాలు ఆమె ఫస్ట్ తెలుగు మూవీ. అనంతరం సునీల్ కి జంటగా నటించే ఛాన్స్ పట్టేసింది. 2014లో విడుదలైన భీమవరం బుల్లోడు సినిమాలో ఎస్తేరు నటించారు.
భీమవరం బుల్లోడు ఓ మోస్తరు విజయాన్ని అందుకుంది. అనంతరం గరం, జయ జానకీ నాయక, ఐరావతం చిత్రాల్లో నటించింది. కాగా ఈమె నటుడు, సింగర్ నోయల్ సీన్ తో డేటింగ్ చేసింది. వీళ్ళ వ్యవహారం మెల్లగా బయటకు పొక్కింది. దాంతో అవును మేము రిలేషన్ లో ఉన్నామని ఓపెన్ అయ్యారు.
2019లో పెద్దలను ఒప్పించి వివాహం చేసుకున్నారు. వీరి వైవాహిక బంధం ఏడాది పాటు కూడా సాగలేదు. పెళ్ళైన రోజుల వ్యవధిలో విడిపోయారు. 2020లో అధికారికంగా విడాకుల ప్రకటన చేశారు. అప్పట్లో నోయల్, ఎస్తేరు విడాకుల ప్రకటన చర్చకు దారి తీసింది. తాజాగా మాజీ భర్త మీద ఆమె ఆరోపణలు చేశారు.
ఎస్తేరు మాట్లాడుతూ... పెళ్ళైన 16 రోజులకే అతడి నిజ స్వరూపం బయటపడింది. అందుకే విడిపోవాలని నిర్ణయం తీసుకున్నాను. వెంటనే విడాకులు కావాలని అనుకున్నాను. నాతో విడిపోయాక నోయల్ నాపై దుష్ప్రచారం చేశాడు. బిగ్ బాస్ హౌస్లో సింపతీ వచ్చేలా మాట్లాడాడు. సింపతీ పొందాడు కూడాను.
ఇలాంటి మనుషులు కూడా ఉంటారా? అనిపించింది. నేను మాత్రం మా విడాకుల విషయం ఎక్కడ మాట్లాడాలని అనుకోలేదు. నోయల్ ఫ్యాన్స్ నన్ను ట్రోల్ చేశారు. ఒకడు అయితే యాసిడ్ పోస్తానని బెదిరించాడని... ఆమె వాపోయింది. నోయల్ మంచివాడు కాదు అందుకే విడిపోయానని ఆమె చెప్పకనే చెప్పింది.
నోయల్ బిగ్ బాస్ సీజన్ 4లో పాల్గొన్న సంగతి తెలిసిందే. అతడు ఎలిమినేట్ కాలేదు. అనారోగ్య కారణాలతో హౌస్ నుండి బయటకు వచ్చాడు. వస్తూ వస్తూ కంటెస్టెంట్ ముక్కు అవినాష్ మీద ఆరోపణలు చేశాడు. అప్పట్లో ఇది సంచలనమైంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
