చనిపోవాలని అనిపిస్తుంది... పెళ్ళైన రెండు నెలలకే షాకింగ్ కామెంట్స్ చేసిన బర్రెలక్క! 

సోషల్ మీడియా యుగంలో ఎవరు ఎప్పుడు సెలెబ్రిటీలు అవుతారో చెప్పలేం. లక్షల మంది సామాన్యులను స్టార్స్ చేసింది సోషల్ మీడియా. అలాంటి వారిలో బర్రెలక్క ఒకరు. రెండు తెలుగు రాష్ట్రాల్లో బర్రెలక్క అంటే తెలియనివారుండరు. 
 

బర్రెలక్క అసలు పేరు కర్నె శిరీష. ఈమె డిగ్రీ చదివింది. ఉద్యోగం రాక బర్రెలు మేపుకుంటున్నాను... అంటూ వీడియోలు చేసింది. తెలంగాణ రాష్ట్రంలోని నిరుద్యోగులకు ఆమె వీడియోలు కనెక్ట్ అయ్యాయి. శిరీష వీడియోలు వైరల్ కాగా బర్రెలక్కగా పాప్యులర్ అయ్యింది. 

2023 అసెంబ్లీ ఎన్నికల్లో సొంత అజెండాతో బర్రెలక్క పోటీ చేసింది. కొల్లాపూర్ నియోజకవర్గంలో స్వతంత్ర అభ్యర్థిగా బర్రెలక్క ప్రధాన పార్టీలకు సవాల్ విసిరింది. ఈమె తరపున జేడీ లక్ష్మీనారాయణ ప్రచారం చేయడం విశేషం. అనూహ్యంగా కొల్లాపూర్ లో బర్రెలక్క నాలుగో స్థానంలో నిలిచింది. ఆమెకు 5700 పై చిలుకు ఓట్లు పడ్డాయి.

పార్లమెంట్ ఎన్నికల్లో కూడా శిరీష నిలబడుతుంది. ఇటీవల నామినేషన్ దాఖలు చేసింది. కాగా మార్చి నెలలో శిరీష వివాహం చేసుకుంది. బంధువుల అబ్బాయి అయిన వెంకటేష్ తో ఏడడుగులు వేసింది. కాగా ఆమెకు సోషల్ మీడియా వేధింపులు ఎక్కువయ్యాయట. ఈ మేరకు ఆమె ఓ విజ్ఞప్తికి చేసింది. 

శిరీష మాట్లాడుతూ... నన్ను సోషల్ మీడియాలో దారుణంగా వేధిస్తున్నారు. నెగిటివ్ కామెంట్స్ చేస్తున్నారు. దారుణమైన థంబ్ నెయిల్స్ పెట్టి వీడియోలు చేస్తున్నారు. నేను చేసిన తప్పేంటి. ఈ నెగిటివిటీ నేను తట్టుకోలేకపోతున్నాను. 
 

ఎంపీగా పోటీ చేసినందుకు కూడా నన్ను ట్రోల్ చేస్తున్నారు. ఒక్కోసారి చనిపోదామా అనిపిస్తుంది. ఎన్నికలు అయ్యాక సోషల్ మీడియాకు దూరంగా ఉంటాను. నా భర్తతో హ్యాపీగా జీవిస్తాను. నేనేదైనా తప్పు చేశాను అంటుకుంటే ఈ ఎడమకాలి చెప్పుతో కొట్టండి. కానీ ట్రోల్ చేయకండి... అని ఆమె చెప్పుకొచ్చారు. 

బర్రెలక్క  కామెంట్స్ వైరల్ అవుతున్నాయి. చూస్తుంటే ఆమెను విపరీతంగా వేధిస్తున్నట్లు తెలుస్తుంది. కాగా కొందరిపై కేసు పెడతానని కూడా ఆమె హెచ్చరించారు. సోషల్ మీడియా స్టార్స్ కి ఇలాంటి వేధింపులు కామన్ అయిపోయాయి.