Prema Entha Madhuram: అంజలి, మదన్ లకు పెద్ద షాకిచ్చిన అను.. గట్టి సాక్ష్యాలతో బయటపడ్డ ఆర్య?

Prema Entha Madhuram: జీ తెలుగులో ప్రసారమవుతున్న ప్రేమ ఎంత మధురం సీరియల్ ప్రేక్షకుల హృదయాలని గెలుచుకొని టాప్ సీరియల్స్ సరసన స్థానం సంపాదించుకుంటుంది. ప్రాణాలకి తెగించి మరీ అపవాదు నుంచి బయటపడిన ఒక బిజినెస్ మాగ్నెట్ కథ ఈ సీరియల్. ఇక ఈరోజు ఏప్రిల్ 29 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో మీరు ఈ బిజినెస్ లో ఎప్పుడు ఇన్వెస్ట్ చేశారు అని అడుగుతాడు ఆర్య. సెప్టెంబర్ పది అని చెప్తారు ముగ్గురు క్లైంట్స్. మరి ఫ్రాడ్ జరిగినట్లు ఎప్పుడు తెలుసుకున్నారు అంటాడు ఆర్య. ఒక్కసారి గా తడబడతారు క్లైంట్స్. పబ్లిక్ తో పాటే వాళ్ళకి తెలిసింది అంటాడు పి పి. ఇన్వెస్ట్ చేసిన తేదీ గుర్తున్నప్పుడు ఫ్రాడ్ జరిగిన తేదీ ఎందుకు గుర్తులేదు అంటాడు ఆర్య.

ఆ విషయం పక్కన పెట్టండి. ఒకసారి మీ ఫోన్ ఇవ్వండి అని పిపిని అడుగుతాడు ఆర్య. ఫోన్ ని ఆర్యకి ఇస్తాడు పిపి. ఈ ఫోన్ చాలా కాస్ట్లీ, ఇది మీకు ఎక్కడిది, ఎప్పుడు కొన్నారు బిల్లు కావాలి అని అడుగుతాడు ఆర్య. అనుకోని ఆ ప్రశ్నకి పిపికి చెమటలు పడతాయి. అది నాకు నా క్లైంట్ గిఫ్ట్ గా ఇచ్చింది అంటాడు పిపి. అదే ఆ క్లైంట్ ఎవరు? ఎప్పుడు ఇచ్చారు అంటూ నిలదీస్తాడు ఆర్య.

నేను చాలా కేసులు వాదిస్తాను అందులో ఒక క్లైంట్ ఇచ్చారు. క్లైంట్స్ తన ఫీజు ని ఏ రూపంగా అయినా చెల్లించవచ్చు. ఇదేమీ పెద్ద నేరం కాదు అంటాడు పిపి. అది నిజమే, అందులో పాయింట్ ఏముంది అంటాడు జడ్జి. అప్పుడు ఆర్య ఎస్సైని విచారించడానికి అనుమతిని కోరుతాడు. ఎస్సై దగ్గర ఫోన్ కూడా చూసి మీకు ఎక్కడిది మీకు కూడా క్లైంట్స్ గిఫ్ట్ ఇచ్చారా..అని అడుగుతాడు ఆర్య.

ఈ వాదన వింటున్న అను ఏదో ఒక గుర్తొచ్చిన దానిలా గబగబా బయటికి వెళ్లి ఆటోలో ఎక్కడికో వెళ్తుంది. మరోవైపు కోర్టులో ఈ ఫోన్ వీళ్ళిద్దరికే కాదు సార్ ఇంకా 9 మందికి వచ్చాయి, ఒకే వ్యక్తి అందరికీ గిఫ్ట్ ఇచ్చారు. వీళ్ళందరూ నామీద కావాలనే కేసులో ఇరికించారు. ఈ ఎస్ఐ నా మీద హత్య ప్రయత్నం కూడా చేశాడు. అలాగే హాస్పిటల్లో కూడా నా మీద హత్య ప్రయత్నం జరిగింది అంటాడు ఆర్య.

ఇతను చెప్పేవన్నీ అబద్ధాలు, చెప్పిన ఒక్క మాటకి కూడా సాక్ష్యం లేదు అంటాడు పిపి. సాక్ష్యం ఉంది అంటూ అను కోర్టు హాల్లోకి మళ్లీ వస్తుంది. ఎవరు నువ్వు, ఈ కేస్ కి నీకు ఏంటి సంబంధం. ఆర్య ని రక్షించాలని చూస్తున్నావా? కడుపుతో ఉన్నదానివి అని నీ మీద సింపతి చూపిస్తారు అనుకుంటున్నావా? ఏ సంబంధం లేకుండా ఇందులో ఇన్వాల్వ్ అవ్వద్దు అంటాడు పిపి.

ఆర్య గురించి మాట్లాడుతున్నావు నువ్వు ఆమెకు ఏమవుతావు అంటాడు జడ్జి. నేను అతని భార్యని, ఐ యాం అను. వైఫ్ ఆఫ్ ఆర్య వర్ధన్ అంటుంది అను. ఒక్కసారిగా అంజలి, మదన్ షాకవుతారు. ఏంటా సాక్ష్యం అంటాడు పిపి. పోలీస్ స్టేషన్లో ఉన్న లేడీ కానిస్టేబుల్ ని సాక్షిగా తీసుకువస్తుంది అను. ఆమెను చూసి ఎస్ఐకి చెమటలు పడతాయి. అను ఆటోలో వెళ్ళింది పోలీస్ స్టేషన్ కని, అక్కడ కానిస్టేబుల్ ని బ్రతిమిలాడి సాక్ష్యం చెప్పడానికి ఒప్పించి తీసుకొస్తుందని అప్పుడు మనకి తెలుస్తుంది.

బోన్లోకి వచ్చిన లేడీ కానిస్టేబుల్ జరిగిన నిజాన్ని ఒప్పుకుంటుంది. అయినా ఇప్పుడు కేసు ఫోన్లు గురించి కాదు, నీ 13 డొల్ల కంపెనీల గురించి ముందు వాటి గురించి మాట్లాడు అంటాడు పిపి. అక్కడికే వస్తున్నాను అంటూ తన వాదన వినిపిస్తాడు ఆర్య. మేము కొత్త కంపెనీలని టేక్ ఓవర్ చేసుకోవడం కోసం సైన్ చేసింది నిజమే కానీ అది సెప్టెంబర్ 11 తారీకు, కానీ మా ఇన్వెస్టర్లు ముందుచూపుతో పదో తారీకునే మనీ ఇన్వెస్ట్ చేశారు. అదెలాగో అర్థం కావడం లేదు అంటూ సాక్ష్యాలు అన్ని జడ్జ్ గారికి చూపిస్తాడు ఆర్య. ఆర్య మాటలతో ఏకీభవించిన జడ్జి ఆర్య ని కేసులో బలవంతంగా ఇరికించారని నమ్మి ఆర్య ని విడుదల చేయమని జైళ్ల శాఖ ని ఆదేశిస్తాడు. తర్వాత ఏం జరిగిందో రేపటి ఎపిసోడ్ లో చూద్దాం.