Asianet News TeluguAsianet News Telugu

షాకింగ్‌ న్యూస్‌.. సమంత మూడేళ్లుగా గర్భవతి అట..

తాజాగా సమంత ఇన్‌ స్టాగ్రామ్‌లో `ఆస్క్ సమంత` పేరుతో అభిమానులతో చాటింగ్‌ నిర్వహించింది. సమంతని నెటిజన్లు `మీరు తల్లి ఎప్పుడు కాబోతున్నారు?` అని అడగ్గా, సమంత కొంటెగా సమాధానం చెప్పింది.

samantha told a netizen that she had been pregnant from   three years
Author
Hyderabad, First Published Aug 29, 2020, 4:48 PM IST

హీరోయిన్లకు సోషల్‌ మీడియాలో కొన్నిసార్లు విచిత్రమైన ప్రశ్నలు ఎదురవుతుంటాయి. కొందరు కొంటే ప్రశ్నలు అడుగుతుంటారు. మరికొందరు వల్గర్‌ కామెంట్‌ చేస్తుంటారు. అన్నింటిని సంయమనంతో భరిస్తూ, ఓపికగా వాళ్ళకి సమాధానం చెబుతుంటారు. అలాంటి ప్రశ్నే సమంతకి ఎదురయ్యింది. అందుకు ఆమె చెప్పిన సమాధానం షాక్‌కి గురి చేస్తుంది. 

తాజాగా సమంత ఇన్‌ స్టాగ్రామ్‌లో `ఆస్క్ సమంత` పేరుతో అభిమానులతో చాటింగ్‌ నిర్వహించింది. అభిమానులు అడిగిన ప్రశ్నలకు ఓపికగా సమాధానం చెబుకుంటూ వస్తోంది. ఇటీవల బాలీవుడ్‌ హీరోయిన్‌ అనుష్క శర్మ తాను గర్బవతి అని, వచ్చే ఏడాది తల్లిని కాబోతున్నట్టు ప్రకటించి అభిమానులను సర్‌ప్రైజ్‌ చేసింది. 

దీంతో ఇప్పుడు సమంతని నెటిజన్లు అదే ప్రశ్నని అడిగారు. `మీరు తల్లి ఎప్పుడు కాబోతున్నారు?` అని అడగ్గా, సమంత కొంటెగా సమాధానం చెప్పింది. తాను 2017 నుంచే గర్భవతినే అని, బేబీ బయటకు రావాలనుకోవడం లేదనుకుంటా అని సెటైర్‌ వేసింది. దీంతో అభిమానులు, నెటిజన్లు అవాక్కయ్యారు. 

ఈ ఏడాది ప్రారంభంలో `జాను` చిత్రంతో అలరించిన సమంత ఇంకా కొత్తగా మరే ప్రాజెక్ట్ ని ప్రకటించలేదు. దీంతో ప్రస్తుతం సమంత పిల్లలను కనేందుకు ప్లాన్‌ చేసుకుంటుందేమో అనే వార్తలొస్తున్నాయి. మరోవైపు సమంత తెలుగులో నందిని రెడ్డి దర్శకత్వంలో ఓ సినిమా చేయనున్నట్టు తెలుస్తుంది. తమిళంలో ఓ సినిమాకి కమిట్‌ కాగా, దాన్నుంచి అర్థంతరంగా తప్పుకుందని టాక్‌.

Follow Us:
Download App:
  • android
  • ios