ఆర్డర్ రాలేదు, మొదటి నుండి దర్యాప్తు: హైద్రాబాద్ సీపీ

జయరామ్ హత్య కేసుకు సంబంధించిన ట్రాన్స్‌ఫర్ ఆర్ఢర్ ఇంకా అందలేదని హైద్రాబాద్ సీపీ అంజనీకుమార్ చెప్పారు. ఈ ఆర్డర్ అందగానే కేసు విచారణను  మొదటి నుండి ప్రారంభించనున్నట్టు ఆయన తెలిపారు.

హైదరాబాద్: జయరామ్ హత్య కేసుకు సంబంధించిన ట్రాన్స్‌ఫర్ ఆర్ఢర్ ఇంకా అందలేదని హైద్రాబాద్ సీపీ అంజనీకుమార్ చెప్పారు. ఈ ఆర్డర్ అందగానే కేసు విచారణను  మొదటి నుండి ప్రారంభించనున్నట్టు ఆయన తెలిపారు.

హైద్రాబాద్‌లో జయరామ్ హత్య జరగడంతో  ఈ కేసును తెలంగాణ పోలీసులకు బదిలీ చేయాలని నిర్ణయం తీసుకొన్నట్టుగా ఏపీ డీజీపీ ఠాకూర్ చెప్పారు. ఈ కేసు విచారణపై జయరామ్ భార్య పద్మశ్రీ ఆరోపణలు చేసిన విషయాన్ని కూడ ఆయన ప్రస్తావించారు.

చట్ట ప్రకారంగా హత్య జరిగిన స్థలంలోని పోలీసులకు కేసును బదిలీ చేయాల్సి ఉంటుందని.. ఈ మేరకు ఈ కేసును  తెలంగాణకు బదిలీ చేసినట్టు ఠాకూర్ ప్రకటించారు.  

ఏపీ పోలీసులు రాకేష్ రెడ్డితో పాటు శ్రీనివాస్‌ను అరెస్ట్ చేశారు. వీరిద్దరిని కూడ కోర్టులో హాజరుపర్చారు. నిందితులిద్దరికీ రిమాండ్ విధిస్తూ కోర్టు ఆదేశాలు జారీ చేసింది. మరో వైపు తమ కస్టడీ కోరుతూ పోలీసులు పిటిషన్ కూడ దాఖలు చేశారు.

ఈ ఘటనపై ఏపీ పోలీసుల తీరుపై జయరామ్ భార్య పద్మశ్రీ  అసంతృప్తిని వ్యక్తం చేసింది. జూబ్లీహిల్స్ పోలీసులకు కూడ ఫిర్యాదు చేసింది. కేసు తెలంగాణ పోలీసులకు బదిలీ కాగానే మొదటి నుండి విచారణ ప్రారంభించనున్నట్టు హైద్రాబాద్ సీపీ అంజనీకుమార్ ప్రకటించారు.

సంబంధిత వార్తలు