జయరామ్ హత్య కేసు తెలంగాణకు బదిలీ

ప్రముఖ వ్యాపారవేత్త జయరాం హత్య కేసును తెలంగాణకు బదిలీ చేశారు ఏపీ పోలీసులు. హైద్రాబాద్‌లోనే జయరామ్ హత్య జరిగినందున ఈ కేసును తెలంగాణ పోలీసులకు బదిలీ చేస్తూ పోలీసులు నిర్ణయం తీసుకొన్నారు.  

హైదరాబాద్: ప్రముఖ వ్యాపారవేత్త జయరాం హత్య కేసును తెలంగాణకు బదిలీ చేశారు ఏపీ పోలీసులు. హైద్రాబాద్‌లోనే జయరామ్ హత్య జరిగినందున ఈ కేసును తెలంగాణ పోలీసులకు బదిలీ చేస్తూ పోలీసులు నిర్ణయం తీసుకొన్నారు.

గత నెల 31వ తేదీన జయరామ్‌ను  రాకేష్ రెడ్డి  హత్య చేశారు.మృతదేహన్ని కారులో నందిగామకు సమీపంలోని కీసర వద్ద  వదిలివెళ్లాడు.  ఈ ఘటనపై దర్యాప్తు చేసిన ఏపీ పోలీసులు రాకేష్ రెడ్డి ఈ హత్య చేశాడని నిర్ధారించారు.  రాకేష్ రెడ్డికి శ్రీనివాస్ అనే వాచ్‌మెన్ సహకరించారని గుర్తించారు. వీరిద్దరిని అరెస్ట్ చేశారు.

మరో వైపు  జయరామ్ హత్య కేసు విషయమై  ఆయన భార్య పద్మశ్రీ జూబ్లీహిల్స్‌ పోలీసులకు మంగళవారం రాత్రి ఫిర్యాదు చేసింది.  హైద్రాబాద్‌లోనే జయరామ్  హత్య జరిగినందున  ఈ కేసును తెలంగాణ పోలీసులకు బదిలీ చేయాలని  కృష్ణా జిల్లా ఎస్పీ త్రిపాఠీ నందిగామ పోలీసులను ఆదేశించారు.  ఈ ఆదేశాల మేరకు  నందిగామ పోలీసులు ఈ కేసును తెలంగాణ పోలీసులకు  బుధవారం నాడు బదిలీ చేశారు.

సంబంధిత వార్తలు