ప్రణయ్ హత్య: వేముల వీరేశంపై అమృత సంచలన ఆరోపణలు

 తెలంగాణ రాష్ట్ర సమితి (టీఆర్ఎస్) తాజా మాజీ ఎమ్మెల్యే వేముల వీరేశంపై హతుడు ప్రణయ్ భార్య అమృత వర్షిణి సంచలన వ్యాఖ్యలు చేశారు. తన కూతురు అమృత కులాంతర వివాహం చేసుకోవడం ఇష్టం లేని మారుతీ రావు పగ బట్టి అల్లుడు ప్రణయ్ ను హత్య చేయించిన విషయం తెలిసిందే. 

మిర్యాలగుడా: తెలంగాణ రాష్ట్ర సమితి (టీఆర్ఎస్) తాజా మాజీ ఎమ్మెల్యే వేముల వీరేశంపై హతుడు ప్రణయ్ భార్య అమృత వర్షిణి సంచలన వ్యాఖ్యలు చేశారు. తన కూతురు అమృత కులాంతర వివాహం చేసుకోవడం ఇష్టం లేని మారుతీ రావు పగ బట్టి అల్లుడు ప్రణయ్ ను హత్య చేయించిన విషయం తెలిసిందే. 

దళితుడైన ప్రణయ్ హత్యకు సుపారీ డీల్ కుదిరించడంలో వేముల వీరేశం కీలక పాత్ర పోషించి ఉంటాడని అమృత ఆరోపించారు. డీల్ కుదిరించడం మారుతీరావుకు వేముల వీరేశం సాయపడినట్లు ఆమె అనుమానిస్తున్నారు. 

తన తండ్రి తరఫున వేముల వీరేశం తనకూ తన భర్త ప్రణయ్ కూ ఫోన్ చేసి బెదిరించాడని ఆమె ఆరోపించారు. నల్లగొండలో రాజకీయ నేత బొడ్డుపల్లి శ్రీనివాస్ హత్య కేసులో కూడా వేముల వీరేశం పేరు వినిపించిన విషయం తెలిసిందే. తనను కలవాలని వేముల వీరేశం చెప్పాడని, అయితే భయంతో తాము వెళ్లలేదని అమృత చెప్పారు. 

తన మామపై వేముల వీరేశం ప్రోద్బలంతో తప్పుడు కేసు కూడా బనాయించారని ఆమె ఆరోపించారు. పోలీసు స్టేషన్ కు పదే పదే పిలుస్తూ తన మామను వేధించారని కూడా ఆమె చెప్పారు. 

కాగా, ప్రణయ్ హత్య కేసులో వేముల వీరేశం పాత్ర ఉందనే ఆరోపణలను ఎస్పీ రంగనాథ్ తోసిపుచ్చారు. తమకు ఇంత వరకు అటువంటి ఆధారాలేమీ లభించలేదని అన్నారు. తనపై వచ్చిన ఆరోపణలను వేముల వీరేశం కూడా ఖండించారు. 

ఈ వార్తాకథనాలు చదవండి