జయరాం హత్య కేసు: ఈ రోజు జూబ్లీహిల్స్ పీఎస్‌కు శిఖా చౌదరి

కోస్టల్ బ్యాంక్ ఛైర్మన్, ప్రముఖ పారిశ్రామికవేత్త చిగురుపాటి జయరామ్ చౌదరి హత్య కేసులో జూబ్లీహిల్స్ పోలీసులు వేగం పెంచారు. ఈ కేసులో ప్రధానంగా ఆరోపణలు ఎదుర్కొంటున్న జయరామ్ మేనకోడలు శిఖా చౌదరిని పోలీసులు ఇవాళ విచారించనున్నారు.

ఇప్పటికే ఆమెకు నోటీసులు జారీ చేసిన పోలీసులు.. మంగళవారం ఉదయం 10 గంటలకు జూబ్లీహిల్స్ పోలీస్ స్టేషన్‌కు రావాల్సిందిగా నోటీసులో పేర్కొన్నారు. ఇప్పటికే మనిమనిషి, వాచ్‌మెన్, జయరాం స్నేహితులను పోలీసులు విచారించారు.

వీరందరిని ఓ రహస్య ప్రాంతంలో ఉంచి విచారించగా, ప్రధానంగా శిఖౌ చౌదరి, జయరాం మధ్య ఉన్న సంబంధాలపైనే విచారణ సాగినట్లు సమాచారం. మరోవైపు జయరాం హంతకులు రాకేశ్ రెడ్డి, శ్రీనివాస్‌లను పోలీసులు నాంపల్లి కోర్టులో హాజరుపరచగా, న్యాయస్థానం వీరికి 14 రోజుల జ్యూడీషియల్ రిమాండ్ విధించింది. వీరిద్దరిని పోలీసులు చంచల్‌గూడ జైలుకు తరలించారు.