Districts

అంతిమయాత్రలో విక్టరీ చూపడం మీ సంస్కారమా...? : చంద్రబాబుపై ముద్రగడ ఫైర్

By Nagaraju penumalaFirst Published Sep 20, 2019, 3:09 PM IST

Highlights

ఓ వ్యక్తి మీద నిజంగానే ప్రేమ ఉంటే యాత్రకు వచ్చిన వారికి నమస్కారం చేస్తారు.. లేకపోతే మౌనంగా ఉంటారు. కానీ రెండు వేళ్లు చూపడం ఏం సంస్కారం అంటూ నిలదీశారు. చంద్రబాబు నటన అంతా రాజకీయ లబ్ది కోసం కాదా అని ప్రశ్నించారు.

కిర్లంపూడి: తెలుగుదేశం పార్టీ అధినేత చంద్రబాబు నాయుడుపై తీవ్ర వ్యాఖ్యలు చేశారు మాజీమంత్రి, కాపు ఉద్యమ నేత ముద్రగడ పద్మనాభం. మాజీ స్పీకర్ కోడెల శివప్రసాదరావు అంతిమయాత్రలో బాగానే నటించారంటూ సెటైర్లు చేశారు.

అందులో భాగంగా శుక్రవారం చంద్రబాబుకు బహిరంగ లేఖ రాశారు. అధికారం కోల్పోయిన తర్వాత చంద్రబాబు చిలకపలుకులు పలుకుతున్నారంటూ లేఖలో ధ్వజమెత్తారు. నాడు చంద్రబాబు అధికారంలో ఉన్నప్పుడు కోడెలను పిలిపించుకుని మీ కుమారుడి వల్ల చెడ్డపేరు వస్తోంది అదుపులో పెట్టుకొండి అని వార్నింగ్‌ ఇవ్వడం వాస్తవం కాదా అని నిలదీశారు.

కోడెలను నిలదీసినప్పుడు కోడెల మీ పుత్రరత్నం వజ్రమా అని చంద్రబాబును కోడెల ప్రశ్నించిన విషయం వాస్తవం కాదా అని నిలదీశారు. మాట్లాడితే పోలీస్‌ వ్యవస్థ నిర్వీర్యం అయ్యిందంటూ బాధపడుతున్నారు కానీ దానికి ఆజ్యం పోసిందే చంద్రబాబు కదా అని విమర్శించారు.

గోదావరి పుష్కరాల్లో చంద్రబాబు 30 మందిని బలి తీసుకున్నారని లేఖలో ప్రస్తావించారు. తనపై కేసులు పెట్టడానికి వీలు లేకుండా ఏకంగా పోలీసుల చేతే సీసీటీవీ ఫుటేజ్‌ మాయం చేయించిన ఘనత చంద్రబాబుది అంటూ తీవ్ర స్థాయిలో విరుచుకుపడ్డారు ముద్రగడ.

తమ జాతి ఉద్యమానికి సంబంధించి తమపై అక్రమ కేసులు పెట్టించిన వ్యక్తి చంద్రబాబు అంటూ ధ్వజమెత్తారు. ఈ రోజు కాపు ఉద్యమకారులంతా కోర్టుల చుట్టూ తిరగడానికి చంద్రబాబే కారణం అని ఆరోపించారు.

ప్రజలు అధికారం ఇచ్చింది అణగారిని వర్గాలకు వెలుతురు ఇవ్వడం కోసమే కానీ అణచివేయమని కాదంటూ చంద్రబాబుకు హితవు పలికారు ముద్రగడ. తన అరాచక పాలనలో చంద్రబాబు సామన్య ప్రజలకు బతికే అవకాశం ఇచ్చారా అంటూ నిలదీశారరు.

ఐదేళ్లు ప్రజలకు రాక్షస పాలన చూపించిన బాబు నేడు ప్రజల కోసమే బతుకున్నాను అంటూ దొంగ మాటలు చెప్తూ ఇంకా ఎంత కాలం బట్టలు తడిచిపోయేలా కన్నీరు కారుస్తూ నటిస్తారని ముద్రగడ విరుచుకుపడ్డారు.

ఈ వార్తలు కూడా చదవండి

కోడెల సూసైడ్: సీబీఐ విచారణ కోరుతూ హైకోర్టులో పిటిషన్

ఆత్మహత్య: చివరి ఫోన్ కోడెల ఎవరికి చేశారో తెలిసింది

కోడెల ఫోన్ ఎక్కడ..? జగన్ కి ఆ అవసరం లేదు... బొత్స కామెంట్స్

కోడెల అంత్యక్రియలు... ఆయన అభివృద్ధి చేసిన స్మశానంలోనే...

పంచెతో ట్రై చేసి.. తర్వాత కేబుల్ వైర్ తో ఉరివేసుకున్న కోడెల

కోడెల సూసైడ్: రెండు మూడు రోజుల్లో శివరాం విచారణ

నివాళి: కోడెల విగ్రహాన్ని తయారుచేసిన తణుకు ఏకే ఆర్ట్స్

ముగిసిన కోడెల శివప్రసాద్ అంత్యక్రియలు

కోడెలను నిమ్స్‌కు ఎందుకు తీసుకెళ్లలేదు?

కోడెల అంతిమయాత్రలో వివాదం: రూట్ మ్యాప్ మార్చిన పోలీసులు, ఉద్రిక్తత

కోడెల మరణం తట్టుకోలేక.. గుండెపోటుతో అభిమాని మృతి