వైసీపీ వేధింపుల వల్లే మానాన్న ఆత్మహత్య : కోడెల కుమార్తె విజయలక్ష్మీ

తన తండ్రిని కేసులతో వేధింపులకు గురి చేశారని ఆమె ఆరోపించారు. వైసీపీ ప్రభుత్వం అధికారంలోకి వచ్చిన మూడు నెలల నుంచి తమ తండ్రిని, తమ కుటుంబ సభ్యులను కేసులతో నిత్యం వేధించారని ఆరోపించారు.

The reason for the suicide of my father is the YCP harassment says kodela daughter vijayalakshmi

Nagaraju penumala

Hyderabad, First Published Sep 16, 2019, 8:42 PM IST

హైదరాబాద్: తన తండ్రి కోడెల శివప్రసాదరావు ఆత్మహత్య చేసుకుని చనిపోయినా ఇప్పటికీ తప్పుడు ప్రచారం చేస్తున్నారని ఆవేదన వ్యక్తం చేశారు తనయురాలు విజయలక్ష్మీ.
ఈరోజు తమ కుటుంబంలో జరిగిన ఘటన ఎవరికీ జరగకూడదన్నారు.

తండ్రి లేకపోతే కొడుకు అదీ కాకపోతే తాను ఇలా నిత్యం మీడియాలో చూపిస్తూ నరకం చూపించారని ఆరోపించారు. మూడున్నర నెలలుగా తన తండ్రి కోడెల శివప్రసాదరావును కంటిమీద కునుకు లేకుండా వేధించారని ఆరోపించారు.

రాజకీయాల్లో సీనియర్ నాయకుడు అయిన కోడెలను కనీసం ఆయన వయసుకు కూడా గౌరవం ఇవ్వకుండా వేధించారని మండిపడ్డారు. చనిపోయిన తర్వాత కూడా తమ కుటుంబంపై తీవ్ర ఆరోపణలు చేయడం బాధాకరమన్నారు.

రకరకాల ఊహాగానాలతో తప్పుడు ప్రచారం చేస్తున్నారని అందువల్లే తాను బయటకు వచ్చి ఇలావ వివరణ ఇవ్వాల్సి వచ్చిందన్నారు. తమ కుటుంబాన్ని వదిలెయ్యాలంటూ వేడుకున్నారు. ఇప్పటికైనా తప్పుడు ప్రచారం మానుకోవాలని కోరారు విజయలక్ష్మీ.

తమ కుటుంబంలో ఎలాంటి విబేధాలు లేవన్నారు. తమ మధ్య ఎలాంటి ఆస్తి గొడవలకు కూడా లేవన్నారు. తన తండ్రి అంటే తమకు ఎంతో ప్రాణమన్నారు. తండ్రి చాటు పిల్లల్లా తాము బతికామన్నారు. కనీసం ఇప్పుడైనా తమ బతుకులు తాము బతకనివ్వాలని విజయలక్ష్మీ కన్నీటి పర్యంతమయ్యారు.