రాయలసీమను రెండో రాజధాని చేయాలి.. టీజీ వెంకటేష్

 శ్రీబాగ్ ఒప్పందం ప్రకారం రాయలసీమలోనే రాజధానిని ఏర్పాటు చేయాలని రాయలసీమ ఐక్య వేదికగా 17 ఏళ్ల నుండి కృషి చేస్తుందన్నారు. గత పాలకులు కర్నూలు నుంచి రాజధానిని తెలంగాణను తరలిస్తున్నా ఊరికే ఉన్నారని చెప్పారు. ఇప్పుడున్న నాయకులు కూడా ఆంధ్ర ప్రాంతాన్నే అభివృద్ధి చేపడుతున్నారన్నారు. 

రాయలసీమ ప్రాంతాన్ని రెండో రాజధాని చేయాలని కోరుకుంటున్నట్లు బీజేపీ ఎంపీ టీజీ వెంకటేష్  పేర్కొన్నారు. గత కొంతకాలంగా ఆంధ్రప్రదేశ్ రాజధానిని మారుస్తున్నారంటూ ప్రచారం జరుగుతున్న సంగతి తెలిసిందే. ఈ ప్రచారానికి మొదట శ్రీకారం చుట్టింది టీజీ వెంకటేష్.  జగన్... రాజధానిని మార్చేయాలని అనుకుంటున్నారంటూ చెప్పింది ఈయనే. కాగా... టీజీ వ్యాఖ్యల కారణంగానే రాజధానిపై దుమారం రేగింది.

కాగా.. తాజాగా ఈ విషయంపై టీజీ వెంకటేష్ మరోసారి స్పందించారు. శ్రీబాగ్ ఒప్పందం ప్రకారం రాయలసీమలోనే రాజధానిని ఏర్పాటు చేయాలని రాయలసీమ ఐక్య వేదికగా 17 ఏళ్ల నుండి కృషి చేస్తుందన్నారు. గత పాలకులు కర్నూలు నుంచి రాజధానిని తెలంగాణను తరలిస్తున్నా ఊరికే ఉన్నారని చెప్పారు. ఇప్పుడున్న నాయకులు కూడా ఆంధ్ర ప్రాంతాన్నే అభివృద్ధి చేపడుతున్నారన్నారు. 

వెనుకబడిన రాయలసీమ ప్రాంతాన్ని అభివృద్ధి చేయాలని కోరుకుంటున్నట్లు తెలిపారు. న్యాయవాదుల న్యాయమైన కోరికలు వెంటనే పరిష్కరించి కర్నూల్లో హైకోర్టును ఏర్పాటు చేయాలని వారికి మద్దతు తెలిపినట్లు వెల్లడించారు. కర్నూలులో హైకోర్టు ఏర్పాటు చేసేందుకు తాను కూడా ఢిల్లీలో వాదనలు వినిపిస్తానని న్యాయవాదులకు హామీ ఇచ్చారు.

related news

అమరావతి భూముల చిట్టా విప్పుతా: సుజనాకు బొత్స కౌంటర్