ఆఫీసులో పని ఒత్తిడి తగ్గాలంటే ఇలా చేయండి.. వెంటనే ఉపశమనం పొందుతారు..

ఆఫీసుల్లో వర్క్ ప్రెజర్ ఎక్కువైనప్పుడు ఖచ్చితంగా ఒత్తిడికి గురవుతారు. కానీ ఇది ఎన్నో సమస్యలకు దారితీస్తుంది. అందుకే దీన్ని తొందరగా తగ్గించుకోవాలి. అయితే కొన్ని సింపుల్ చిట్కాలను పాటిస్తే ఒత్తిడి నుంచి తక్షణమే ఉపశమనం లభిస్తుంది.  

ప్రస్తుత కాలంలో చాలా మంది మానసిక ఒత్తిడితో బాధపడుతున్నారు. ముఖ్యంగా ఆఫీస్ పనులు వల్ల .. ఒక్కోసారి ఊపిరిసలపనంత పనులతో బిజీ బిజీ అవుతుంటారు. దీనివల్ల విపరీతమైన ఒత్తిడికి కూడా గురవుతుంటారు. ఒత్తిడికి ఎన్నో కారణాలుంటాయి. కానీ ఇది మన శరీరంపై తీవ్రమైన ప్రభావాన్ని చూపిస్తుంది. ఒత్తిడి వల్ల పనులను అస్సలు పూర్తిచేయలేము సరికదా.. ఆరోగ్యం కూడా దెబ్బతింటుంది. ఈ ఒత్తిడి నుంచి ఎలా బయటపడాలో తెలియక చాలా మంది ఇబ్బందులు పడుతుంటారు. అయితే కొన్ని సింపుల్ చిట్కాలను ఫాలో అయితే అప్పటికప్పుడే ఒత్తిడి నుంచి ఉపశమనం పొందుతారు. అదెలాగో తెలుసుకుందాం పదండి. 

green tea

గ్రీన్ టీ

గ్రీన్ టీ మన ఆరోగ్యానికి చాలా మంచిది. ఇది బరువును తగ్గించడానికి, ఇమ్యూనిటీ పవర్ ను పెంచడానికి, ఎన్నో రకాల అనారోగ్య సమస్యలను తగ్గించడానికి సహాయపడుతుంది. దీనిలో యాంటీ ఆక్సిడెంట్లు పుష్కలంగా ఉంటాయి. ఇది మన శరీరాన్ని ఆరోగ్యంగా ఉంచడంతో పాటుగా మానసిక ఒత్తిడిని కూడా తొలగిస్తుంది. ఆఫీసులో ఏదైనా కారణం వల్ల మీరు ఒత్తిడికి గురైనట్లు వెంటనే కప్పు గ్రీన్ టీని తాగండి. మీరు మానసిక స్థితిని మెరుగుపరుస్తుంది. గందర గోళం కూడా పోతంది. మనస్సు చంచలత పోతుంది. రోజుకు మూడు సార్లు గ్రీన్ టీ తాగడం వల్ల త్వరగా బరువు తగ్గుతారని నిపుణులు చెబుతున్నారు.

Image: freepik.com

సంగీతం వినండి

సంగీతం మనస్సును ప్రశాంతంగా మారుస్తుంది. అంతేకాదు ఇది ఒత్తిడి నుంచి తక్షణమే ఉపశమనం కలిగిస్తుంది. ఒత్తిడి స్థాయిలు ఎక్కువైనప్పుడు వెంటనే మీకు నచ్చిన సాంగ్స్ ను పెట్టుకుని వినండి. సంగీతం కోపాన్ని కూడా కంట్రోల్ చేస్తుంది. సంగీతం మనసుకు హాయిని కలిగిస్తుంది. దీంతో మీరె ఎలాంటి ప్రాబ్లమ్ ని అయినా ఇట్టే సాల్వ్ చేస్తారు. 

పజిల్ గేమ్స్

ఆఫీసులో పని ఒత్తిడి పెరిగినప్పుడు విసుగ్గా అనిపిస్తుంది. అందులో పనిపూర్తికాకపోతే చిరాకుతో పాటుగా ఒత్తిడి కూడా పెరిగిపోతుంది. ఇక కొన్ని కారణాల వల్ల మీ బాస్ మిమ్మల్ని అవమానించినప్పుుడు మానసిక అస్థిరత ఏర్పడుతుంది. ఇలాంటి క్లిష్ట సమయాల్లోనే చాలా మంది తప్పుడు నిర్ణయాలను తీసుకుంటారు. లేదా మరింత ఎక్కువ ఒత్తిడికి గురవుతారు. ఈ  ఒత్తిడి లేని పోని రోగాలకు దారితీస్తుంది. ఈ సమస్య నుంచి బయటపడటానికి పజిల్ గేమ్స్ మీకు బాగా ఉపయోగపడతాయి. ఒత్తిడిగా అనిపిస్తే వెంటనే కాసేపు ఆటలు ఆడండి. ఒత్తిడి కొన్ని సెకన్లలో పోతుంది.