గోర్లు అందంగా, ఆరోగ్యంగా ఉండాలంటే వీటిని ఖచ్చితంగా తినండి..

కొన్ని ఆహారాలు గోర్లను ఆరోగ్యంగా ఉంచుతాయి.  గోర్ల సమస్యలను కూడా ఈ ఆహారాలు పోగొడుతాయి. ముఖ్యంగా ఇవి గోర్లు అందంగా కనిపించేలా చేస్తాయి.  

మన శరీరంలోని చాలా భాగాలు మన ఆరోగ్య పరిస్థితి గురించి తెలియజేస్తాయి. వీటి మాదిరిగానే మన గోర్లు కూడా మన అంతర్గత ఆరోగ్యాన్ని తెలుపుతాయన్న సంగతి మీకు తెలుసా? అందుకే గోర్లను దృఢంగా, ఆరోగ్యంగా ఉంచుకోవడం చాలా ముఖ్యమంటున్నారు నిపుణులు. చాలా మంది అప్పుడప్పుడు మానిక్యూర్ తప్ప, గోర్ల సంరక్షణ కోసం ఏమీ చేయరు. అయితే కొంతమంది ఆడవారికి, మగవారికి గోర్ల రంగు మారుతుంది. లేదా గోర్లు విరిగిపోతుంటాయి. గోర్లు మీ చర్మం, కళ్ళు, జుట్టు  మాదిరిగానే మీ ఆరోగ్య స్థితిని కూడా సూచిస్తాయి. నిలువు రేఖలు ఉన్న లేత గోర్లు రక్తహీనత లేదా పొడిబారడానికి సంకేతమంటున్నారు నిపుణులు. నీలి రంగు గోర్లు మీ రక్తంలో తగినంత ఆక్సిజన్ లేదని సూచిస్తాయి. మీ గోర్లు సన్నగా, ఎప్పుడూ విరిగిపోతే మీరు తగినంత విటమిన్లు, ఖనిజాలు, ప్రోటీన్లను తీసుకోవడం లేదని అర్థం. ఆరోగ్య నిపుణుల అభిప్రాయం ప్రకారం.. గోర్ల ఆరోగ్యాన్ని పెంచడానికి  ఎలాంటి ఆహారాలను, సప్లిపెంట్లను తీసుకోవాలో ఇప్పుడు తెలుసుకుందాం.. 

గుడ్లు

గుడ్లు సంపూర్ణ ఆహారం. వీటిలో పోషకాలు పుష్కలంగా ఉంటాయి. వీటిలో విటమిన్ డి తోపాటుగా ప్రోటీన్లు  ఎక్కువ మొత్తంలో ఉంటాయి. అంతేకాదు దీనిలో విటమిన్ బి 12, ఐరన్, బయోటిన్ కంటెంట్ అధికంగా ఉంటాయి. ఇవి  గోళ్లను మందంగా చేస్తాయి. ఆరోగ్యంగా ఉంచుతాయి. అందుకే మీ రోజువారి ఆహారంలో గుడ్లను తప్పకుండా చేర్చండి. గుడ్లు మీ మొత్తం శరీరాన్ని ఆరోగ్యంగా ఉంచుతాయి. 

leafy vegetables

ఆకు కూరలు

ఆకుకూరల్లో కాల్షియం,  ఐరన్, యాంటీఆక్సిడెంట్లు సమృద్ధిగా ఉంటాయి. ఆకు కూరలు పోషకాల పవర్ హౌస్. బచ్చలికూర, కాలే, బ్రోకలీ వంటి ఆకుకూరల్లో ఎన్నో రకాల పోషకాలు ఉంటాయి. ఇవి  పెళుసైన గోళ్ళను నివారిస్తాయి. గోర్లను అందంగా, ఆరోగ్యంగా ఉంచుతాయి. 

చేపలు

చేపలు కూడా మన ఆరోగ్యానికి ఎన్నో విధాలా మేలు చేస్తాయి. చేపల్లో ప్రోటీన్లు, సల్ఫర్, ఒమేగా 3 కొవ్వు ఆమ్లాలు పుష్కలంగా ఉంటాయి. ఇవి గోర్లను తేమగా ఉంచడానికి సహాయపడతాయి. చేపలు గోళ్ళ మృదుత్వాన్ని కూడా పెంచుతాయి. అంతేకాదు ఇవి సన్నని, పెలుసుగా ఉండే గోర్లను నివారిస్తాయి. చేపలు బహుముఖమైనవి. అలాగే వీటిని ఎన్నో విధాలుగా వండుకోవచ్చు. చేపల కూర నుంచి చేపల పులుసు,  డీప్ ఫ్రైడ్ వరకు ఎన్నో విధాలు వండొచ్చు. చేపలను తినడం వల్ల మన శరీరం ఆరోగ్యంగా ఉంటుంది. 

nails

బ్రూవర్ ఈస్ట్, గోధుమ జెర్మ్

గోర్లు ఆరోగ్యంగా పెరిగేందుకు అవసరమైన బి-విటమిన్, జింక్ లు బ్రూవర్ ఈస్ట్, గోధుమ జెర్మ్ లో పుష్కలంగా ఉంటాయని నిపుణులు చెబుతున్నారు. బ్రూవర్ ఈస్ట్ సాకరోమైసెస్ సెరెవిసియా అని పిలువబడే ఫంగస్ ఎండిన వెర్షన్. ఈ రెండూ గోర్లను ఆరోగ్యంగా, అందంగా చేయడానికి సహాయపడతాయి. 

ఇవే కాకుండా.. శరీరంలో సిలికా, జింక్, బి విటమిన్లను శరీరంలో పెంచడానికి బయోటిన్ అధికంగా ఉండే సోయా, సోయా ఉత్పత్తులను చేర్చాలి. కెల్ప్, స్పిరులినా వంటి మూలికలను కూడా జోడించాలని పోషకాహార నిపుణులు చెబుతున్నారు.