ఆపిల్ సైడర్ వెనిగర్ నిజంగా బరువును తగ్గిస్తుందా..?

నిపుణుల అభిప్రాయం ప్రకారం.. ఆపిల్ సైడర్ వెనిగర్ బరువును తగ్గించడంలో ఎఫెక్టీవ్ గా పనిచేస్తుంది. అయితే ఎలా పడితే అలా తీసుకుంటే మాత్రం ఎన్నో సమస్యలను ఎదుర్కోవాల్సి వస్తుంది.  

బరువు తగ్గడం అంత సులువు కాదు. రెగ్యులర్ గా వ్యాయామం చేస్తూ.. ఆయిలీ ఫుడ్, ఫాస్ట్ ఫుడ్, జంక్ ఫుడ్ లకు దూరంగా ఉంటూ.. ఆరోగ్యకరమైన ఆహారాలను తింటే.. మీరు బరువు తగ్గుతారు. అయితే బరువు తగ్గేందుకు ఆపిల్ సైడర్ వెనిగర్ కూడా బరువును తగ్గిస్తుందని ఆరోగ్య నిపుణులు చెబుతున్నారు. ఈ ఆపిల్ సైడర్ వెనిగర్ తిన్న తర్వాత గ్లూకోజ్ స్థాయిలు పెరగకుండా చూస్తుందని ఎన్నో అధ్యయనాలు వెల్లడించాయి. గ్లూకోజ్ తక్కువగా పెరిగితే శరీరంలో ఎక్కువ ఇన్సులిన్ తయారు చేయాల్సిన అవసరం లేదు. తక్కువ ఇన్సులిన్ వల్ల శరీరం ఎక్కువ కొవ్వును విచ్చిన్నం చేస్తుంది. దీనివల్ల మీరు బరువు తగ్గుతారు. 

ఆపిల్ సైడర్ వెనిగర్ ఆకలిని తగ్గించే గుణాలను కూడా కలిగి ఉంటుంది. భోజనం చేయడానికి ముందు ఆపిల్ సైడర్ వెనిగర్ ను తాగితే.. ఎక్కువగా తినే అవకాశం ఉండదు. అందులోనూ ఇది మీ కడుపును ఎక్కువ సేపు నిండుగా ఉంచడానికి సహాయపడుతుంది. 

ఆపిల్ సైడర్ వెనిగర్ తో ఎన్నో ప్రయోజనాలున్నప్పటికీ.. దీన్ని వైద్యుడు లేదా పోషకాహార నిపుణుడి పర్యవేక్షణలోనే తాగాలని నిపుణులు చెబుతున్నారు. దీనితో పాటుగా రెగ్యులర్ గా వ్యాయామం చేయాలి. ఆరోగ్యంగా బరువు తగ్గేందుకు ఆపిల్ సైడర్ వెనిగర్ ను తీసుకోవడంతో పాటుగా హెల్తీ, సమతుల్య ఆహారాన్ని తినాలి. బరువు తగ్గేందుకు ఆపిల్ సైడర్ వెనిగర్ ను ఎలా ఉపయోగించాలో తెలుసుకుందాం పదండి. 

ఆపిల్ సైడర్ వెనిగర్ చాలా ఆమ్లంగా ఉంటుంది. అందుకే దీన్ని డైరెక్ట్ గా తాగకూడదు. ఒకవేళ తాగితే మీ దంతాల ఎనామిల్ దెబ్బతినడంతో పాటుగా పొట్ట కూడా దెబ్బతింటుంది. దీనిని పలుచగా చేసి తీసుకోవచ్చు. ఇందుకోసం ఒక టేబుల్ స్పూన్ ఆపిల్ సైడర్ వెనిగర్ ను ఒక కప్పు నీటిలో కలిపి తాగొచ్చు. 

ఆపిల్ సైడర్ వెనిగర్ ను మోతాదుకు మించి తాగడం ఆరోగ్యానికి అస్సలు మంచిది కాదు. దీనిని వివిధ పద్ధతుల్లో తీసుకోవచ్చు. అయితే దీనిని మీరు సలాడ్ కు డ్రెస్సింగ్ లా ఉపయోగించొచ్చు. 

భోజనం చేసిన వెంటనే తాగకూడదు

మీరు భోజనం చేసిన వెంటనే ఆపిల్ సైడర్ వెనిగర్ ను తాగడం ఆరోగ్యానికి అస్సలు మంచిది కాదు. ఎందుకుంటే దీని వల్ల జీర్ణక్రియలో సమస్యలు తలెత్తుతాయి. తిన్న తర్వాత దీన్నితాగాలనుకుంటే కనీసం 20 నిమిషాల గ్యాప్ ఇచ్చి  తాగండి. అయితే భోజనానికి ముందు దీన్ని తాగడం ఆరోగ్యానికి మంచిది. 

ఎక్కువగా తాగకూడదు

బరువు తగ్గుతామని ఆపిల్ సైడర్ వెనిగర్ ను ఎక్కువగా తాగే వారు కూడా ఉంటారు. అయితే దీన్ని మోతాదుకు మించి తాగడం ఆరోగ్యానికి అస్సలు మంచిది కాదు. ఇది కడుపులో మంటను పుట్టిస్తుంది. అందుకే తక్కువ పరిమాణంలోనే తీసుకోండి. రోజుకు రెండు టేబుల్ స్పూన్త కంటే ఎక్కువగా తాగకండి. అది కూడా పలుచగా చేసుకునే తాగాలి. 

నిద్రపోయే ముందు తాగకూడదు

ఆపిల్ సైడర్ వెనిగర్ ను నిద్రపోయే ముందు తాగడం వల్ల ఎలాంటి ప్రయోజనం ఉండదు. దీనివల్ల మీ గొంతు, అన్నవాహిక దెబ్బతింటుంది. రాత్రి డిన్నర్ చేసే ముందు తాగితే మంచిది. అయితే ఇది తాగిన తర్వాత 30 నిమిషాల గ్యాప్ ఇచ్చి తినడం మంచిది.