Brahmamudi: కావ్యకు స్ట్రాంగ్ వార్నింగ్ ఇచ్చిన స్వప్న .. టెన్షన్ లో రాజ్ ఫ్యామిలీ?

Brahmamudi: స్టార్ మాలో ప్రసారమవుతున్న బ్రహ్మముడి సీరియల్ మంచి కథ కథనాలతో టాప్ సీరియల్స్ కి గట్టి పోటీ నిస్తుంది. అబద్ధం చెప్పి పెళ్లి చేసుకుని ఎక్కడ అబద్ధం బయటపడిపోతుందో అని టెన్షన్ పడుతున్న ఒక ఆడపిల్ల కథ ఈ సీరియల్. ఇక ఈరోజు జూన్ 27 ఎపిసోడ్లో ఏం జరిగిందో చూద్దాం.  

ఎపిసోడ్ ప్రారంభంలో పపాయ తింటున్న స్వప్నని చూసి ఏం తింటున్నావు అంటూ కసురుకుంటుంది అపర్ణ. పపాయ తింటున్నాను అంటుంది స్వప్న. అది వింటూనే అందరూ షాక్ అవుతారు. ఈ సమయంలో ఏది తినాలో ఏది తినకూడదు తెలుసుకోకపోతే ఎలా కనీసం అడగాలి కదా అంటూ మందలిస్తుంది చిట్టి. ఇప్పుడు ఏం జరిగిందని అందరూ ఇలా అంటున్నారు అంటూ చిరాకు పడుతుంది స్వప్న.

విషయం అర్థం చేసుకున్న కావ్య పపాయ తింటే కడుపు పోతుందని తెలియదా అంటూ స్వప్నని మందలిస్తుంది. ఏం రుద్రాణి నీ కోడలు గురించి ఏమీ పట్టించుకోవా నువ్వైనా చెప్పాలి కదా అంటుంది అపర్ణ. తను అలా చేస్తుందని నాకేం తెలుసు అంటుంది రుద్రాణి. డాక్టర్ ని కన్సల్ట్ చేస్తే మంచిదేమో అని డాక్టర్ని పిలవమని రాజ్ కి చెప్తాడు సుభాష్.

నిజం తెలిసిపోతుందని కంగారుపడిన కావ్య నేను తీసుకు వెళ్తాను లెండి అంటుంది. ఎందుకు డాక్టర్ని ఇంటికి పిలుద్దాం అనటంతో నిజం తెలిసిపోతుంది అని కావ్య స్వప్న ఇద్దరు టెన్షన్ పడతారు. మరోవైపు అప్పు కళ్యాణ్ కి ఫిజికల్ గా ఫిట్ గా ఉండటం కోసం ట్రైనింగ్ ఇస్తూ ఉంటుంది. ఈరోజు కొన్ని చెయ్యు రేపు మరికొన్ని ఎక్సర్సైజులు చేద్దువు గాని చెప్తుంది అప్పు.

అలా ఏమీ అక్కర్లేదు నేను చాలా స్ట్రాంగ్ అని వెంట వెంటనే అన్ని చేసేస్తాను అంటాడు కళ్యాణ్. తర్వాత నువ్వే ఇబ్బంది పడాల్సి వస్తుంది అలా చేయటం మంచిది కాదు అంటుంది అప్పు. అయినా వినిపించుకోకపోవడంతో అయితే 15 పుష్ అప్స్ తీయు అంటుంది అప్పు. 50 తీసేస్తాను అంటూ ఏడో పుష్ అప్ కే కాళ్లు పట్టేస్తాయి కళ్యాణ్ కి. అందుకే ట్రైనర్స్ చెప్పేది వినాలి అంటుంది అప్పు.

 కళ్యాణ్ కి కాళ్లు పట్టేయడంతో కారు వరకు తనే తీసుకు వెళ్తుంది. మరోవైపు స్వప్నని తన గదిలో తీసుకువచ్చి ఇప్పటికైనా నిజం చెప్పే కనీసం మన మీద జాలి పడతారు లేదంటే మనల్ని అసహ్యించుకుంటారు అంటుంది కావ్య. నేను నిజం చెప్తే అందరూ నన్ను ఇంట్లోంచి బయటికి పంపించేస్తారు అప్పుడు నువ్వు ఒక్కదానివే ఇక్కడ రాజ్యమేలుదాం అనుకుంటున్నావా అంటూ కావ్యని నానా మాటలు అంటుంది స్వప్న.

అయినా నా సమస్య నేను పరిష్కరించుకుంటాను నువ్వేమీ జోక్యం చేసుకోవద్దు. నేను నిజం చెప్పేవరకు నువ్వు నిజం చెప్తే మాత్రం ఊరుకునేది లేదు అంటూ చెల్లెలిని బెదిరించి అక్కడి నుంచి వెళ్ళిపోతుంది స్వప్న. మరోవైపు సేటుని బెదిరిస్తుంది కనకం. అతను మూలుగుతూ ఉంటే ఏదో చెప్పాలనుకుంటున్నాడు నా బెదిరింపుకి భయపడి ఉంటాడు అని మీనాక్షికి చెప్పి మూతికి ఉన్న ప్లాస్టర్ తీస్తుంది కనకం.

అప్పుడు సేటు మీరు అసలు ఆడవాళ్లేనా మీ అంతు చూస్తాను అంటాడు. నన్ను కూడానా అంటుంది మీనాక్షి. నువ్వే అసలు కిడ్నాపర్ వి. మాయమాటలు చెప్పి నన్ను తీసుకువచ్చావు మా ఇంట్లో సీసీ కెమెరా ఉంటుంది ముందు పోలీసులు నిన్నే అరెస్ట్ చేస్తారు అంటాడు సేటు. ఆ మాటలకి బాగా భయపడి పోయిన మీనాక్షి ఏడుపు లంకించుకుంటుంది.

మమ్మల్నే బెదిరిస్తావా అంటూ సేటు నెత్తి మీద నాలుగు దెబ్బలు వేస్తుంది కనకం. మళ్లీ స్పృహ తప్పిపోతాడు సేటు. నిన్ను నమ్మిన ప్రతిసారి ఇలాగే మోసం చేస్తున్నావు డబ్బులు ఇస్తానని చెప్పి తీసుకురమ్మని చెప్పి ఈరోజు నన్ను ఇలా బుక్ చేసేసావు అంటూ చెల్లెల్ని  తిడుతుంది మీనాక్షి. మరోవైపు డాక్టర్ ఇంటికి రావడంతో  మరింత కంగారు పడతారు స్వప్న, కావ్య. డాక్టర్ కి విషయం చెప్పి స్వప్నని టెస్ట్ చేయమని చెప్తుంది అపర్ణ.  

సరే అంటూ స్వప్న ని తీసుకొని గదిలోకి వెళ్తుంది డాక్టర్. తనతో పాటే ఆడవాళ్ళందరూ వెళ్తారు. డాక్టర్ ఒక్కతే గదిలోకి వస్తుంది అనుకుంటే అందరూ వచ్చేసారేంటి అనుకుంటుంది స్వప్న. తరువాయి భాగంలో స్వప్నని చెక్ చేసిన డాక్టర్ ప్రెగ్నెన్సీ అని అబద్ధం చెప్పావా అని అడుగుతుంది. అవును అంటుంది స్వప్న. ఈ విషయం ఇప్పుడే అందరికీ చెప్తాను అని బయటకు వస్తుంది డాక్టర్.