ఎన్టీఆర్ మూవీని రిజెక్ట్ చేసిన సమంత.. వామ్మో చుక్కలు చూపించిందిగా, కారణం అదేనా ?
సమంత యంగ్ టైగర్ ఎన్టీఆర్, కొరటాల శివ చిత్రాన్ని రిజెక్ట్ చేసినట్లు వార్తలు వస్తున్నాయి. త్వరలో ఎన్టీఆర్ కొరటాల శివ దర్శకత్వంలో నటించబోతున్నాడు. ఈ చిత్రానికి ఇంకా హీరోయిన్ సెట్ కాలేదు.
సమంత సౌత్ లో ప్రస్తుతం తిరుగులేని స్టార్. నార్త్ లో కూడా క్రమంగా సమంత క్రేజ్ పెరుగుతోంది. సమంతకి బాలీవుడ్ చిత్రాల్లో ఆఫర్స్ వస్తున్నట్లు వార్తలు వస్తున్నాయి. ఫ్యామిలీ మ్యాన్ 2తో సమంత నెగిటివ్ షేడ్స్ లో నటించిన అందరిని ఆశ్చర్యంలో ముంచెత్తింది. నాగ చైతన్యతో వివాహం, ఆ తర్వాత విడాకులు ఇలాంటి విషయాలేవీ సమంత కెరీర్ పై ప్రభావం చూపలేదు.
ఇప్పటికీ సమంత టాలీవుడ్ లో క్రేజీ హీరోయిన్ అనే చెప్పాలి. సమంత ప్రస్తుతం యశోద, ఖుషి, శాకుంతలం లాంటి చిత్రాల్లో నటిస్తోంది. అయితే సమంత గురించి వినిపిస్తున్న ఓ గాసిప్ నెట్టింట దుమారం రేపుతోంది. సమంత యంగ్ టైగర్ ఎన్టీఆర్, కొరటాల శివ చిత్రాన్ని రిజెక్ట్ చేసినట్లు వార్తలు వస్తున్నాయి. త్వరలో ఎన్టీఆర్ కొరటాల శివ దర్శకత్వంలో నటించబోతున్నాడు. ఈ చిత్రానికి ఇంకా హీరోయిన్ సెట్ కాలేదు.
ముందుగా అలియా భట్, జాన్వీ కపూర్ ఇలా చాలా పేర్లు వినిపించాయి. చివరకు కొరటాల సమంతని తీసుకునేందుకు ఆసక్తి చూపారట. సమంత కూడా కథ నచ్చడంతో ఒకే చెప్పిందట. కానీ రెమ్యునరేషన్ దగ్గర తేడా జరిగినట్లు తెలుస్తోంది. నిర్మాతలు సమంతకి 2.5 కోట్లు ఇస్తామని చెప్పారట. కానీ సామ్ మాత్రం ఏకంగా రూ. 4 కోట్లు డిమాండ్ చేసిందట. పాన్ ఇండియా స్థాయిలో తనకి క్రేజ్ పెరగడంతో సామ్ ఈ పారితోషికం డిమాండ్ చేసినట్లు తెలుస్తోంది.
4 కోట్లు అడిగేసరికి నిర్మాతలకు ఎమ్ మాట్లాడాలో అర్థం కాలేదట. అంత మొత్తం ఇవ్వకుంటే సినిమా చేయలేనని సామ్ తేల్చేసినట్లు ప్రచారం జరుగుతోంది. దీనితో కొరటాల శివ మరో హీరోయిన్ ని వెతికే పనిలో ఉన్నారు.
సమంత గతంలో ఎన్టీఆర్ తో కలసి బృందావనం, రభస, జనతా గ్యారేజ్, రామయ్య వస్తావయ్యా చిత్రాల్లో నటించింది. ప్రస్తుతం సమంత విజయ్ దేవరకొండ సరసన ఖుషి చిత్రంలో నటిస్తోంది.
ఎన్టీఆర్ కొరటాల చిత్రం ఇప్పటికే ప్రారంభమై ఉండాలి. స్క్రిప్ట్ ఇంకా రెడీ కాకపోవడంతో ఆలస్యం జరుగుతోంది. కొరటాల శివ ఇప్పటి వరకు రెడీ చేసిన పాత స్క్రిప్ట్ ని పక్కన పెట్టి.. తారక్ కోసం సముద్రాలలో జరిగే స్మగ్లింగ్ నేపథ్యంలో ఓ కొత్త కథని రెడీ చేస్తున్నట్లు వార్తలు వస్తున్నాయి.