Guppedantha Manasu: వసు కాళ్లు పట్టుకోవడానికి సిద్ధమైన జగతి.. అవమానంలో రిషి?
Guppedantha Manasu: స్టార్ మా లో ప్రసారమవుతున్న గుప్పెడంత మనసు సీరియల్ మంచి కంటెంట్ తో మంచి రేటింగ్ ని సంపాదించుకుంటుంది. కొడుకుని రక్షించుకోవడం కోసం తపన పడుతున్న ఒక తల్లి కథ ఈ సీరియల్. ఇక ఈరోజు మే 25 ఎపిసోడ్ లో ఏం జరిగిందో చూద్దాం.
ఎపిసోడ్ ప్రారంభంలో మీరు చెప్పినట్లు చెప్పడానికి మనసు ఒప్పుకోవటం లేదు మేడం. అయినా రిషి సార్ తప్పు చేశారు అంటే ఎవరూ నమ్మరు ఈ పని నేను చేయలేను నన్ను క్షమించండి అంటుంది వసు. గురుదక్షిణ ఇవ్వటానికి నీకు ఇబ్బందిగా అనిపిస్తే ఒక కొడుక్కి తల్లిగా ప్రాధేయ పడుతున్నాను దయచేసి నా కొడుక్కి ప్రాణబిక్ష పెట్టు కావాలంటే నీ కాళ్లు పట్టుకుంటాను అంటూ కాళ్ళ మీద పడబోతుంది జగతి.
వసు కంగారు పడిపోతుంది. చిన్న అబద్ధం చెప్తేనే భరించలేరు సార్.. అలాంటిది ఆయన మీద నింద వేస్తే అసలు భరించలేరు మేడం అది మా బంధాన్ని కూడా దూరం చేయవచ్చు అని ఏడుస్తుంది వసు. అసలు రిషి ప్రాణాలతో ఉంటేనే కదా బంధమైనా పరువైనా. ఆ శైలేంద్ర సంగతి నీకు తెలియదు ఇప్పటికే ఎన్నోసార్లు రిషి మీద అటాక్ చేసాడు ఆ విషయం నీకు తెలుసు. దయచేసి ఒప్పుకో అంటూ చేతులు జోడించి ఏడుస్తూ బ్రతిమాలుతుంది జగతి.
ఇక వేరే దారి లేక జగతి చెప్పినట్లు చేయటానికి ఒప్పుకుంటుంది వసు. అదే సమయంలో అటెండర్ రిషి దగ్గరికి వెళ్లి జగతి మేడం మిమ్మల్ని క్యాబిన్ కి రమ్మంటున్నారు అని చెప్తాడు. అదే సమయంలో వసు అర్జెంటుగా నా క్యాబిన్ కి రండి అంటూ మెసేజ్ పెడుతుంది. ఎందుకు రమ్మందో అనుకుంటూ వసు క్యాబిన్ కి వెళ్తాడు రిషి. అక్కడ వసు ఏడుస్తూ ఉండడం చూసి కంగారు పడతాడు. వసు కూడా చిన్నపిల్లలా ఏడుస్తూ రిషి ని హగ్ చేసుకుంటుంది.
ఏం జరిగింది.. ఎందుకు నువ్వు జగతి మేడం అలా కంగారు పడుతున్నారు ఏమైనా సమస్య ఉంటే చెప్పండి అంతేకానీ మీలో మీరే బాధపడకండి అంటాడు రిషి. నిజం చెప్పలేక ఏమీ లేదు సార్ అని మాట తప్పించేస్తుంది వసు. సరే కళ్ళు తుడుచుకో అక్కడ మన కోసం అందరూ వెయిట్ చేస్తూ ఉంటారు పద వెళ్దాం అంటూ చేయి పట్టుకుని వసుని తీసుకువెళ్తాడు రిషి.
మీటింగ్ దగ్గర ప్రెస్ వాళ్ళు ఎవరూ కనిపించకపోవడంతో ప్రెస్ వాళ్ళు ఎవరూ రాలేదా అని అడుగుతాడు రిషి. ఒక మేజర్ ప్రాబ్లం ఇష్యూ అయింది ముందు అది క్లియర్ అవ్వాలి అందుకే ప్రెస్ మీట్ క్యాన్సిల్ చేసాం అంటుంది జగతి. ఏంటా ప్రాబ్లం అంటాడు రిషి. మీరు ఫ్రాడ్ చేశారంటూ మీ మీద అభియోగం వచ్చింది దానికి క్లారిటీ ఇవ్వండి అంటుంది జగతి. నా మీద అభియోగమా అదీ నా కాలేజీలో అంటూ ఆశ్చర్యపోతాడు రిషి.
అవును మిషన్ ఎడ్యుకేషన్ కి సంబంధించిన చెక్ మీ సొంత అవసరాలకి ఎందుకు వాడుకుంటున్నారు అని నిలదీస్తుంది జగతి. అలాంటిదేమీ లేదే అసలు నేను ఏ చెక్కు ఇష్యూ చేయలేదు అంటాడు రిషి. అదేంటి నాకు ఇష్యూ చేశారు కదా గవర్నమెంట్ చెక్ వాడకూడదు సార్ అంటే మేము చూసుకుంటామని కూడా చెప్పారు. నాకే మనసొప్పక మినిస్టర్ గారిని కలిసాను అంటాడు సారధి.
ఇదంతా అబద్ధం అయినా అతని మాటలు మీరు నమ్ముతారేంటి అంటాడు రిషి. పక్కా ఆధారాలు ఉన్నాయి అంటూ చెక్ చూపిస్తుంది జగతి. షాక్ అవుతాడు రిషి. ఇది నేను ఇష్యూ చేసిన చెక్ కాదు అంటాడు. కానీ మీ సంతకాలతో మ్యాచ్ అయ్యాయి అంటుంది జగతి. రిషి తప్పు చేశాడంటే నేను నమ్మను అంటాడు ఫణీంద్ర. రిషిని అనుమానిస్తే మొత్తం భూషణ్ ఫ్యామిలీని అనుమానించినట్లే.
అయినా అతని మాటలు పట్టుకుని రిషిని ఇలా నిలదీస్తున్నారు ఇదేమి బాగోలేదు పిన్ని అంటూ జగతిని మందలించినట్లుగా మాట్లాడుతాడు శైలేంద్ర. శైలేంద్రవైపు అసహ్యంగా చూస్తారు వసు, జగతి. ఈ చెక్ మనం ఇష్యూ చేయలేదు కదా అని వసుని అడుగుతాడు రిషి. ఆమె భయంతో ఏమీ మాట్లాడలేక పోతుంది. మాట్లాడు వసు..వాళ్లు మనల్ని అవమానిస్తున్నారు, అనుమానిస్తున్నారు నోరు విప్పు అంటూ గట్టిగా కోప్పడతాడు రిషి. నువ్వు ఎవరికీ భయపడక్కర్లేదమ్మా ఏం జరిగిందో చెప్పు అంటాడు మినిస్టర్. తరువాత ఏం జరిగిందో రేపటి ఎపిసోడ్ లో చూద్దాం.