ప్రభాస్‌, విజయ్‌ ఈ సమ్మర్‌ అంతా వీళ్లదే.. కొడితే మాత్రం రికార్డులన్నీ బద్దలే..
ప్రభాస్‌ `సలార్‌`తో దుమ్ములేపాడు. ఇప్పుడు సమ్మర్‌కి రాబోతున్నాడు. సింగిల్‌గా ఆయన బాక్సాఫీసు పంజా విసరబోతున్నాడు. కొడితే మాత్రం రికార్డులన్నీ బద్దలవడం ఖాయం.
టాలీవుడ్‌లో గతేడాది సమ్మర్‌కి ఏదీ పెద్ద సినిమా రాలేదు. యంగ్‌ హీరోల సినిమాలే వచ్చాయి. అందులో `దసర, `విరూపాక్ష` మాత్రమే ఆడాయి. సమ్మర్‌ మొత్తాన్ని వృథాగా వదిలేశారు. ఈ సారి కూడా అలాంటి పరిస్థితే రాబోతుంది. విజయ్‌ దేవరకొండ, ప్రభాస్‌ మాత్రమే రాబోతున్నారు. ఈ ఇద్దరికి పండగే. అయితే విజయ్‌ది లోకల్‌ మూవీ. కానీ ప్రభాస్‌ ది పాన్‌ ఇండియా, ఇంకా చెప్పాలంటే ఇంటర్నేషనల్ రేంజ్‌ ఉన్న మూవీ. దీంతో ప్రభాస్‌కి పండగే అని చెప్పొచ్చు.
ఈ ఏడాది సమ్మర్‌కి మరే పెద్ద హీరో రావడం లేదు. ముందుగా `దేవర`వస్తుందని భావించారు. కానీ ఇప్పుడు ఈ ఫిల్మ్ పోస్ట్ పోన్‌ అయ్యింది. వీఎఫ్‌ఎక్స్ కారణంగా ఇది ఆగస్ట్ కి వెళ్లిపోతుందని సమాచారం. అధికారిక ప్రకటన లేదుగానీ, ఆల్మోస్ట్ అదే కన్ఫమ్‌ అని చిత్ర వర్గాల సమాచారం. దీంతో సమ్మర్‌ ఖాళీ అయిపోయింది. మిగిలిన ఏ హీరో సినిమా సమ్మర్‌కి రావడం లేదు.
familystar
మొదట రామ్‌చరణ్‌ `గేమ్‌ ఛేంజర్‌` వస్తుందని భావించారు. కానీ ఆ మూవీ కూడా లేట్‌ అవుతుందని ఇటీవల దిల్‌రాజు చెప్పారు. సెప్టెంబర్‌లో ప్లాన్‌ చేస్తున్నట్టు తెలిపారు. అంటే ఈ వేసవి కాలం టాప్‌ స్టార్స్ లో మరే హీరో మూవీ రావడం లేదు. చిరంజీవి, బాలయ్య, నాగార్జున, బన్నీ, గోపీచంద్‌ మూవీస్‌ కూడా సమ్మర్‌కి ప్లానింగ్‌ లేదు. ఈ నేపథ్యంలో ఇప్పుడు విజయ్‌ పాగా వేస్తున్నాడు. ఏప్రిల్‌ 5న వచ్చేందుకు ప్లాన్‌ చేస్తున్నారు. `ఫ్యామిలీ స్టార్‌`ని అదే డేట్‌కి విడుదల చేయాలనుకుంటున్నారు. సినిమా బాగుంటే ఏప్రిల్‌ మొత్తం విజయ్‌ దే అని చెప్పొచ్చు.
ఇక మే తొమ్మిదిన ప్రభాస్‌ నటించిన `కల్కి2898ఏడీ` రాబోతుంది. నాగ్‌ అశ్విన్‌ రూపొందిస్తున్న ఈ మూవీ ఇంటర్నేషనల్ స్టాండర్డ్స్ లో తెరకెక్కుతుంది. ఇందులో కమల్‌ హాసన్‌, అమితాబ్‌ బచ్చన్‌, దీపికా పదుకొనె, దిశా పటానీలతోపాటు గెస్ట్ రోల్స్ లో విజయ్‌ దేవరకొండ, దుల్కర్‌ సల్మాన్‌ వంటి కాస్టింగ్‌ యాడ్‌ అయ్యింది. దీంతో ఈ మూవీ రేంజ్‌ మరింతగా పెరిగింది. సుమారు ఐదు వందల కోట్ల బడ్జెట్‌తో ఈ మూవీ తెరకెక్కుతుంది. ఇండియన్‌ సినిమాలో ఇప్పటి వరకు రానటువంటి కంటెంట్‌తో వస్తుంది. నాగ్‌ అశ్విన్‌ రాజీపడకుండా తెరకెక్కిస్తున్నారు.
ఇటీవల విడుదలైన గ్లింప్స్ ఆకట్టుకుంది. భవిష్యత్‌ కాలానికి సంబంధించిన కథతో సైన్స్ ఫిక్షన్‌గా ఇది రాబోతుందని తెలుస్తుంది. అయితే ఈ మూవీ ఏమాత్రం బాగున్నా రికార్డులు బ్రేక్‌ అవడం ఖాయం. ఎందుకంటే గట్టి పోటీ మధ్య వచ్చిన `సలార్‌` ఏడు వందల కోట్లు చేసింది. ప్రభాస్‌ రేంజ్‌ ఏంటో చూపించింది. అదే ఊపులో ఇప్పుడు `కల్కి` వస్తుంది.ఈ సినిమా బాగుంది, కంటెంట్‌ ఆడియెన్స్ కి అర్థమైతే మాత్రం ఈ మూవీని ఆపడం ఎవరి తరం కాదు. దీనికి నార్త్ లో కూడా అడ్డంకి లేదు. అక్షయ్‌ `బడే మియా చోటా మియా` అనే, అజయ్‌ దేవగన్‌ `మైదాన్‌` సైతం ముందే విడుదలవుతున్నాయి. దీంతో అక్కడ కూడా అడ్డులేదు.
పైగా మేలో మరే పెద్ద సినిమా ఇప్పటి వరకు అయితే లేదు. మే, జూన్‌ మొత్తం ఫ్రీ. `కల్కి` బాగుంటే రెండు నెలలు ఆడుతుంది. సినిమా రేంజ్‌కి, ఇంతటి ఫ్రీ స్పేస్‌కి ఇండియన్‌ బాక్సాఫీసు షేక్ అయిపోవడం, పూనకాలు తెప్పించడం ఖాయమంటున్నారు ట్రేడ్‌ వర్గాలు. ఓ రకంగా ఈ సమ్మర్‌ మొత్తం అటు ప్రభాస్‌ ది, ఇటు విజయ్‌ది కాబోతుంది. ఎందుకంటే ఓ వైపు `ఫ్యామిలీ స్టార్‌`తో ఆయన సందడి చేయనున్నారు, మరోవైపు `కల్కి`లోనూ ఆయన భాగమయ్యారు. అలా ఈ ఇద్దరు ఈ సమ్మర్‌ని ఏలబోతున్నారని చెప్పొచ్చు. మరి ఇది ఎంత వరకు వర్కౌట్‌ అవుతుందో చూడాలి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
