`కల్కి2898ఏడీ`పై మరోసారి వాయిదా వార్తలు.. అసలేం జరుగుతుంది?.. వచ్చేది ఎప్పుడు?
ప్రభాస్ హీరోగా రూపొందుతున్న బిగ్గెస్ట్ మల్టీస్టారర్ `కల్కి 2898 ఏడీ` రిలీజ్పై మళ్లీ రూమర్లు స్టార్ట్ అయ్యాయి. వాయిదా పడుతుందంటూ ప్రచారం జరుగుతుంది. ఇంతకి మూవీ విషయంలో ఏం జరుగుతుంది.
ప్రభాస్ నటిస్తున్న `కల్కి 2898 ఏడీ` కోసం ఇండియన్ ఆడియెన్స్ ఎదురుచూస్తున్నారు. ఇండియన్ సినిమాలోనే ఫస్ట్ టైమ్ ఓ డిపరెంట్ కాన్సెప్ట్ తో వస్తోన్న మూవీ కావడంతో దీనిపై అంచనాలు భారీగానే ఉన్నాయి. భారీ కాస్టింగ్ యాడ్ కావడంతో దర్శకుడు నాగ్ అశ్విన్ ఎలాంటి సినిమా తీయబోతున్నాడనే క్యూరియాసిటీ ఏర్పడింది. టైమ్ ట్రావెల్ ప్రధానంగా సాగే సైన్స్ ఫిక్షన్ చిత్రమని తెలుస్తుంది.
పురాణాలకు, సైన్స్ ని ముడిపెట్టి దర్శకుడు ఈ మూవీ తెరకెక్కిస్తున్నారట. కల్కి అవతారాలు చూపించబోతున్నారట. ఇవన్నీ ఇంట్రెస్టింగ్గా మారాయి. మరోవైపు ప్రభాస్తోపాటు కమల్ హాసన్, అమితాబ్ బచ్చన్, దీపికా పదుకొనె, దిశా పటానీ వంటి వాళ్లు నటిస్తున్నారు. వీరితోపాటు రానా, విజయ్ దేవరకొండ, దుల్కర్ సల్మాన్, మృణాల్ ఠాకూర్, అలాగే ఆర్జీవీ, రాజమౌళి కూడా ఇందులో గెస్ట్ రోల్స్ లో కనిపిస్తారని ప్రచారం జరుగుతుంది. ఇవన్నీ సినిమాపై హైప్ని అమాంతం పెంచేస్తున్నాయి.
ఇదిలా ఉంటే ఈ మూవీ మే 9న వైజయంతి మూవీస్కి సెంటిమెంట్ డే రోజున విడుదల చేయబోతున్నట్టు ప్రకటించారు. కానీ ఇప్పుడు వాయిదా అంటూ ప్రచారం జరుగుతుంది. సినిమా షూటింగ్, పోస్ట్ ప్రొడక్షన్, సీజీ వర్క్ కంప్లీట్ కావడం కష్టమని, టీమ్ ఆల్టర్ నేట్ డేట్ని ఆలోచిస్తుందని అంటున్నారు. `కల్కి 2898 ఏడీ` వాయిదా అంటూ సోషల్ మీడియాలో ప్రచారం ఊపందుకుంది. దీంతో డార్లింగ్ ఫ్యాన్స్ డిజప్పాయింట్ అవుతున్నారు.
అయితే వాయిదా లేదని టీమ్ నుంచి వస్తున్న సమాచారం. ఎట్టకేలకు అదే డేట్ని రావాలని ఫిక్స్ అయి ఆ దిశగానే వర్క్ చేస్తున్నారట. అయితే షూటింగ్ షెడ్యూల్ చాలా టైట్గానే ఉందని, కానీ ప్రకటించిన డేట్కి తీసుకురావాలని గట్టిగా ప్రయత్నిస్తున్నారట. అనుకున్న టైమ్లోనే వర్క్ ఫినిష్ చేయాలని భావిస్తున్నారట. ఒకవేళ అలా జరగకపోతే వాయిదా వేసే అవకాశం ఉందని తెలుస్తుంది. దీనిపై మహా శివరాత్రికి ఓ క్లారిటీ రాబోతుందని ఆ రోజు అసలు విషయాన్ని ప్రకటిస్తారని సమాచారం. మార్చి 8న కోసం ఇండియన్ సినీ ప్రియులంతా వెయిట్ చేస్తున్నారని చెప్పొచ్చు. వాయిదా పడే ఆగస్ట్ 15కి వెళ్లే అవకాశం కనిపిస్తుంది.
ప్రస్తుతం ఈ మూవీకి సంబంధించిన సాంగ్ షూటింగ్ జరుగుతుంది. ప్రభాస్, దిశా పటానీలపై ఒక రొమాంటిక్ సాంగ్ని చిత్రీకరిస్తున్నారట. ఇటీవలే ఇది ప్రారంభమైంది. ఇంకా చిత్రీకరణ జరుగుతుందని, ఇదొక విజువల్ ట్రీట్లా ఉంటుందని, మాస్ ఆడియెన్స్ బాగా ఎంజాయ్ చేసేలా, యూత్ రెచ్చిపోయేలా ఉంటుందని అంటున్నారు. సినిమాలో ఇది మెయిన్ కమర్షియల్ ఎలిమెంట్గా ఉండనుందని సమాచారం.