సినిమాలు మానేసి నివేతా పేతురాజ్‌ చేసే పని ఇదా!.. విశ్వక్‌ సేన్‌ హీరోయిన్‌లో టాలెంట్‌ మామూలుగా లేదుగా..

నివేతా పేతురాజ్‌.. `మెంటల్‌ మదిలో` చిత్రంతో తెలుగు ఆడియెన్స్ ని పలకరించింది. తొలి చిత్రంతోనే విజయాన్ని అందుకుంది. అందరి దృష్టిని ఆకర్షించింది. అడపాదడపా తెలుగులో సినిమాల చేస్తూ వచ్చింది. `చిత్రలహరి`, `బ్రోచేవారెవరురా` చిత్రాలతో విజయాలు అందుకుంది. `అల వైకుంఠపురములో` మూవీలో సెకండ్‌ లీడ్‌గా చేసింది. 
 

ఆ తర్వాత చేసిన `రెడ్‌`, `పాగల్‌` మూవీస్‌ డిజప్పాయింట్‌ చేశాయి. `విరాటపర్వం`లో గెస్ట్ గా మెరిసింది. ఇక గతేడాది `దాస్‌ కా ధమ్కీ`లోనూ మెరిసింది. ఇవన్నీ పెద్దగా ఆడలేదు. అయితే విశ్వక్‌ సేన్‌తో రెండు సినిమాలు చేసి.. మాస్‌ కా దాస్‌ హీరోయిన్‌గా మారిపోయింది. కానీ అనూహ్యంగా ఆమె సినిమాలకు దూరమయ్యింది. ఇప్పుడు తెలుగులో ఒక్క మూవీ కూడా లేదు. తమిళంలో ఓ మూవీ విడుదల కావాల్సి ఉంది. కొత్తగా మరే సినిమాకి సైన్‌ చేయలేదు. 
 

దీంతో నివేతా పేతురాజ్‌ సినిమాలకు దూరమవుతుందా? లేక ఆఫర్లు రావడం లేదా అనే చర్చ జరిగింది. కానీ ఇప్పుడు అనూహ్యంగా పెద్ద సర్‌ప్రైజ్‌తో కూడిన షాకిచ్చింది. బ్యాడ్మింటన్‌ ప్లేయర్‌గా కనిపించి ఆశ్చర్యపరించింది. 
 

ఇన్‌స్టాగ్రామ్‌ ద్వారా ఆమె ఈ విషయాన్ని వెల్లడించింది. ఈ మేరకు ఫోటోలను పంచుకుంది. ఇందులో ఛాంపియన్‌గా నిలిచింది నివేతా. నెక్ట్స్ ఏంటి అంటూ.. బాడ్మింటన్‌ మిక్స్ డబుల్స్ లో ఛాంపియన్‌గా నిలిచినట్టు తెలిపారు. ఈ సందర్భంగా ఇక తర్వాత ఏం సాధించాలనే అర్థంలో ఆమె పోస్ట్ పెట్టింది. దీంతో నివేతాని ఇలా చూసిన వారంతా ఆశ్చర్యపోతూ ఆమెకి అభినందనలు తెలియజేస్తున్నారు. 
 

నివేతా ఇప్పటికే F1 కార్ రేసర్ గా రాణించింది. ఫార్ములా కార్ రేసింగ్ లో పలు పతకాలు కూడా సాధించింది. ఇప్పుడు బ్యాడ్మింటన్(Badminton) లో కప్పు కొట్టింది. తమిళనాడులో జరిగిన స్టేట్ లెవల్ బ్యాడ్మింటన్ ఛాంపియన్ షిప్ లో మధురై తరపున డబుల్స్ ఆడి విన్నర్ గా నిలిచింది. మరి ఇది చూసిన వారంతా ఇక స్పోర్ట్స్ లోనే కంటిన్యూ అవుతావా? సినిమాలు చేస్తావా? అని అడుగుతున్నారు. అభిమానులు మాత్రం మళ్లీ సినిమాలు చేయాలని డిమాండ్‌ చేస్తున్నారు.