అనసూయ దెబ్బకి బోల్తా కొట్టిన కుర్రాడు.. కన్నుగీటుతో కొంప ముంచిన జబర్దస్త్ యాంకర్‌.. పిల్లలను కూడా వదలడం లేదుగా

టాలీవుడ్‌ లో అత్యంత హాట్‌ యాంకర్‌గా రాణిస్తుంది అనసూయ(Anasuya). సెక్సీ అందాలతో మాయ చేస్తుంది. కుర్రాళ్లే టార్గెట్‌గా అందాల విందుతో దుమ్ము దుమారం రేపుతుందీ సెక్సీ యాంకర్‌. యాంకర్లలో అత్యంత హాట్‌ యాంకర్‌గా రాణిస్తున్న అనసూయ సిల్వర్‌ స్క్రీన్‌పై కూడా మ్యాజిక్‌ చేస్తున్న విషయం తెలిసిందే.

తాజాగా ఈ బ్యూటీ `జబర్దస్త్` (Jabardasth) నుంచి తప్పుకుంది. బాడీ షేమింగ్‌ కామెంట్లు, ట్రోల్స్, రెమ్యూనరేషన్‌ వంటి కారణాలతో తాను తప్పుకున్నట్టు తెలుస్తుంది. మరో కొత్త షోతో సందడి చేస్తుంది. ఈ షో కోసం కూడా అందంగా ముస్తాబై కనువిందు చేస్తుంది. ఫోటో షూట్లతో తనని నమ్ముకున్న నెటిజన్లని ఖుషీ చేస్తుంది.
 

ఇదిలా ఉంటే కుర్రాళ్లే టార్గెట్‌గా అందాల విందు చేసే అనసూయ(Anasuya Bharadwaj) చూడబోతుంటే ఇప్పుడు చిన్న పిల్లలను కూడా టార్గెట్ చేసినట్టు అనిపిస్తుంది. ఆమె దెబ్బకి ఓ చిన్న కుర్రాడు కూడా ఫల్టీ కొట్టేశాడు. అనసూయ చేసిన పనికి ఆ చిన్న పిల్లాడు బోల్తా కొట్టడం ఇప్పుడు హాట్‌ టాపిక్‌ అవుతుంది. మరి ఇంతకి ఏం జరిగిందంటే.. 
 

ఇటీవల తన లేటెస్ట్ శారీ ఫోటో షూట్‌ సందర్భంగా ఓ కొంటె వీడియోని పంచుకుంది అనసూయ. కనుబొమ్మలెగిరేస్తూ, హాట్‌ ఎక్స్ ప్రెషన్స్ ఇస్తూ పంచుకున్న వీడియో వైరల్‌ అయ్యింది. అయితే ఇందులోని అనసూయ ఎక్స్ ప్రెషన్స్ మాత్రం ఓ చిన్న కుర్రాడికి సెట్‌ అయ్యాయి. ఎత్తైన ప్రాంతం నుంచి ఓ చిన్న పిల్లాడు సైకిల్‌ తొక్కుతూ వస్తున్నాడు. అంతలోనే అనసూయ కన్నుబొమ్మలెగిరేసింది. అది చూసిన ఆ చిన్న పిల్లాడు మైండ్‌ బ్లాక్‌ అయ్యింది. దీంతో సైకిల్‌ బోల్తా కొట్టింది. పిల్లాడు కింద పడిపోయాడు. 
 

ఇదంతా అనసూయ కనుబొమ్మలెగిరేయడం వల్లే జరిగిపోయిందని, అనసూయ దెబ్బకి చిన్న పిల్లలు కూడా ఫిదా అయిపోతున్నారనే కోణంలో ఈ వీడియోని డిజైన్‌ చేశారు అభిమానులు. దాన్ని ఇన్‌స్టా స్టోరీస్‌లో పంచుకుంది అనసూయ. ప్రస్తుతం ఈ వీడియో క్లిప్‌ వైరల్‌ అవుతుంది. అనసూయ చేసిన పనికి పిల్లాడు విలవిలలాడిపోయాడనే ఉద్దేశ్యంతో, పిల్లలను కూడా అనసూయ వదలడం లేదని కామెంట్లు చేస్తున్నారు నెటిజన్లు. ప్రస్తుతం ఇది సామాజిక మాధ్యమాల్లో వైరల్‌ అవుతుండటం విశేషం. 

అనసూయ ప్రస్తుతం స్టార్‌ మాలో సుడిగాలి సుధీర్‌తో కలిసి `సూపర్‌ సింగర్‌ జూనియర్‌`కి హోస్ట్ గా చేస్తుంది. సుధీర్‌తో కలిసి రచ్చ చేస్తుంది. మరోవైపు సినిమాల్లో బిజీగా ఉంది. అరడజను సినిమాలతో బిజీగా ఉంది. కీలకమైన పాత్రల్లో మెరుస్తుంది. మరోవైపు ఆమె నటించిన `వాంటెడ్‌ పండుగాడ్‌` రేపు(శుక్రవారం) విడుదల కానుంది.