Chandramohan: వంద కోట్ల ఆస్తి పోగొట్టుకున్న చంద్రమోహన్... కారణం ఏమిటో తెలుసా?

చంద్రమోహన్ నేడు కన్నుమూశారు. 80 ఏళ్ల చంద్రమోహన్ కొన్నాళ్లుగా అనారోగ్య సమస్యలు ఎదుర్కొంటున్నారు. చికిత్స పొందుతూ అపోలో ఆసుపత్రిలో కన్నుమూశారు. ఐదు దశాబ్దాలకు పైగా ఆయన చిత్ర పరిశ్రమకు సేవలు అందించారు.  

Actor Chandramohan

దిగ్గజ దర్శక నిర్మాత బి యన్ రెడ్డి చంద్రమోహన్ ని హీరోగా పరిచయం చేశాడు. రంగులరాట్నం చిత్రంతో చంద్రమోహన్ వెండితెర ప్రస్థానం మొదలైంది. 2017లో విడుదలైన ఆక్సిజన్ ఆయన చివరి చిత్రం. 170కి పైగా చిత్రాల్లో హీరోగా నటించిన చంద్రమోహన్ మొత్తంగా 900 కి పైగా చిత్రాల్లో నటించారు. బిజీ ఆర్టిస్ట్ గా ఆయన బాగా సంపాదించారు. 

ఒకప్పుడు చిరంజీవి కంటే చంద్రమోహన్ ఐదు రెట్లు ఎక్కువగా ఉండేదట. చంద్రమోహన్ ఆస్తులు కూడా కూడబెట్టారు. అయితే వాటిని నిలుపుకోవడంలో విఫలమయ్యాడు రూ. 100 కోట్ల విలువైన ఆస్తి పోగొట్టుకున్నట్లు ఓ ఇంటర్వ్యూలో చంద్రమోహన్ చెప్పారు. శోభన్ బాబు సలహా మేరకు చంద్రమోహన్ రియల్ ఎస్టేట్ లో పెట్టుబడి పెట్టాడట. 

గొల్లపూడి మారుతీరావు మాట విని కొంపల్లిలో 35 ఎకరాల ద్రాక్ష తోట కొన్నారట. దాన్ని నిర్వహించడం ఇబ్బందిగా మారడంతో అది అమ్మేశాడట. అలాగే చెన్నై శివార్లలో ఆయనకు 15 ఎకరాల పొలం ఉందట. దానిని కూడా అమ్మేశాడట. శంషాబాద్ వద్ద శోభన్ బాబు సలహా మేరకు 6 ఎకరాల పొలం కొన్నారట. 

ఆ పొలం కూడా అమ్మేశాడట. శోభన్ బాబు వద్దని వారించినా చంద్రమోహన్ వినలేదట. ఆ ఆస్తులన్నీ కలిపితే వంద కోట్లకు పైనే విలువ ఉంటాయని చంద్రమోహన్ చెప్పుకొని ఒకింత బాధపడ్డారు. చంద్రమోహన్ కి ఆర్థిక ఇబ్బందులు లేకపోయినప్పటికీ... విలువైన భూములు అమ్ముకుని నష్టపోయానని ఆయన అన్నారు. 

చంద్రమోహన్ అందగాడు అయినప్పటికీ హైట్ మైనస్ అయ్యింది. దాని వలన కమర్షియల్ హీరోగా ఎదగలేకపోయాడు. ఈ విషయం తెలిసిన చంద్రమోహన్ తన పర్సనాలిటీ, ఇమేజ్ కి తగ్గ చిత్రాల్లో హీరోగా నటిస్తూ స్టార్ హీరోల చిత్రాల్లో సపోర్టింగ్ రోల్స్ చేశారు. 23 ఏళ్ల వయసులో పరిశ్రమలో అడుగుపెట్టిన చంద్రమోహన్ 75 ఏళ్ల వయసు వచ్చే వరకు నటిస్తూనే ఉన్నారు.