కత్రినా కైఫ్ - విక్కీ కౌషల్ ఫస్ట్ వెడ్డింగ్ యానివర్సరీ.. భర్తను సర్ ప్రైజ్ చేసిన బాలీవుడ్ బ్యూటీ!

బాలీవుడ్ స్టార్ కపుల్ కత్రినా కైఫ్ - విక్కీ కౌషల్ పవిత్ర బంధంలోకి అడుగు పెట్టి నేటికి ఏడాది పూర్తైంది. దీంతో ఒకరికొకరు ప్రత్యేకంగా విషెస్ తెలుపుకున్నారు. ఈ సందర్భంగా కత్రినా తన భర్తకు ఊహించని గిఫ్ట్ ను ప్రజెంట్ చేసిందంట. 

బాలీవుడ్ స్టార్ జంట విక్కీ కౌశల్ (Vicky Kaushal), స్టార్ హీరోయిన్ కత్రినా కైఫ్‌ (Katrina Kaif)ల వివాహం జరిగి నేటికి ఏడాది పూర్తయింది. రాజస్థాన్‌లోని సిక్స్ సెన్స్ ఫోర్ట్‌లో 2021 డిసెంబర్ 9న వీరి పెళ్లి గ్రాండ్ గా జరిగింది. బంధుమిత్రులు, స్టార్స్ మధ్య అంగరంగ వైభవంగా జరిపించారు.

పెళ్లికి ముందే కొన్నాళ్ల పాటు డేటింగ్ లో మునిగి తేలిన ఈ స్టార్స్ మ్యారేజ్ తర్వాత కూడా చాలా ప్రైవేట్ గా ఉంటున్నారు. వివాహా బంధంలోని మాధుర్యాన్ని ఆస్వాదిస్తున్నారు. మ్యారేజ్ అయ్యాక ఇద్దరూ కలిసి పలు టూర్లు, వేకేషన్లు, పార్టీలకు వెళ్తూ అందరినీ ఆకట్టుకుంటున్నారు. మరోవైపు కేరీర్ లోనూ బిజీగా ఉంటున్నారు. 

ఈరోజు ఈ స్టార్స్ కు ప్రత్యేకమైన రోజు కావడం విశేషం. మొదటి వివాహా వార్షికోత్సం కావడంతో అభిమానులతో పాటు సినీ తారలు కూడా ఈ జంటకు విషెస్ తెలుపుతున్నారు. అంతకంటే ముందు కత్రినా కైఫ్, విక్కీ ఒకరికొకరు శుభాకాంక్షలు తెలుపుతున్నారు. 

ఏడాది పాటు సాగిన వివాహా బంధంలో ఒకరిపై మరొకరికి ఇంకా ప్రేమ పెరిగిందని వెల్లడించారు. ‘నా కాంతి కిరణమా.. హ్యాపీ వన్ ఇయర్’ అని ట్వీట్ చేస్తూ.. రెండు ఫొటోలనూ పంచుకుంది కత్రినా కైఫ్. అలాగే భర్త డాన్స్ చేస్తున్నమరో వీడియోను పోస్ట్ చేసింది. అదేవిధంగా భర్త విక్కీ కౌషల్ కూడా అందంగా విషెస్ తెలిపారు.

‘నీ ప్రేమలో ఏడాది సమయం చాలా అద్భుతంగా గడిచింది.  మన వివాహా వార్షికోత్సవానికి శుభాకాంక్షలు తెలుపుతున్నాను. నేను నిన్ను ఎప్పటికన్నా ఎక్కువగా ప్రేమిస్తున్నాను.’ అంటూ ట్వీట్ చేశారు. ప్రస్తుతం ఈ ట్వీట్స్ నెట్టింట వైరల్ అవుతున్నాయి. మరోవైపు ఓ ఇంట్రెస్టింగ్ న్యూస్ కూడా స్ప్రెడ్ అవుతోంది.

ఫస్ట్ వెడ్డింగ్ యానివర్సరీకి కత్రీనా కైఫ్ తన భర్తను సర్ ప్రైజ్ చేసినట్టు తెలుస్తోంది. విక్కీ కౌశల్‌ కోసం ఓ కాస్ట్లీ కారును బహుమతిగా ఇచ్చిందంట. అదికూడా విక్కీకి ఎంతో ఇష్టమైన కలర్ కారునే గిఫ్ట్ గా ఇచ్చిందంట. ఇక విక్కీ కౌషల్ కూడా తన భ్యార  కత్రినా హృదయానికి అత్యంత దగ్గరగా ఉండే కస్టమైజ్డ్ జ్యూవెలరీ పీస్‌ను అందించాడని బీటౌన్ లో ప్రచారం జరుగుతోంది.