Gold Price Hike: ఇంకా చల్లారని యుద్ధ మంటలు..బ్రేక్ లేకుండా పెరుగుతున్న బంగారం ధరలు
Gold Price Hike: బంగారం ధరలు మళ్లీ పరుగులు పెడుతున్నాయి. కొద్ది రోజుల క్రితం తగ్గుతాయేమోనని ఎదురుచూసిన వారికి ఇప్పుడు మరోసారి షాక్ తగిలింది. ముఖ్యంగా పెళ్లిళ్లు, శుభకార్యాల కోసం బంగారం కొనాలని భావిస్తున్నవారికి ఈ పెరుగుదల ఆందోళన కలిగిస్తోంది.
ప్రపంచవ్యాప్తంగా భౌగోళిక ఉద్రిక్తతలు
ఒకప్పుడు బంగారం ధరలు కేవలం దేశీయ డిమాండ్ ఆధారంగా మారేవి. కానీ ఇప్పుడు పరిస్థితి పూర్తిగా మారిపోయింది. ప్రపంచవ్యాప్తంగా జరిగే ప్రతి ఆర్థిక, రాజకీయ పరిణామం నేరుగా బంగారం మార్కెట్పై ప్రభావం చూపుతోంది. అందుకే అంతర్జాతీయంగా చిన్న సంఘటన జరిగినా.. మరుసటి రోజే మన దేశంలో గోల్డ్ రేట్లు మారిపోతున్నాయి. ప్రస్తుతం బంగారం ధరలు పెరగడానికి ఒకటి కాదు.. అనేక కారణాలు కలిసి పనిచేస్తున్నాయి. ప్రపంచవ్యాప్తంగా భౌగోళిక ఉద్రిక్తతలు మళ్లీ పెరుగుతున్నాయి. ఇలాంటి పరిస్థితుల్లో పెట్టుబడిదారులు స్టాక్ మార్కెట్ల కంటే బంగారాన్ని సురక్షిత పెట్టుబడిగా భావిస్తారు. ఫలితంగా బంగారంపై డిమాండ్ ఒక్కసారిగా పెరిగి ధరలు పైకి ఎగుస్తాయి.
అమెరికా నిర్ణయాలతో మార్కెట్పై ప్రభావం
ఇదే సమయంలో అమెరికా తీసుకుంటున్న ఆర్థిక నిర్ణయాలు కూడా మార్కెట్ను ప్రభావితం చేస్తున్నాయి. ముఖ్యంగా దిగుమతులపై కొత్త టారిఫ్లు ప్రకటించనున్నట్లు వస్తున్న సంకేతాలు ప్రపంచ వ్యాపార రంగంలో అనిశ్చితిని పెంచుతున్నాయి. ఈ పరిస్థితుల్లో పెట్టుబడిదారులు తమ డబ్బును బంగారం వైపు మళ్లిస్తున్నారు. అందుకే అంతర్జాతీయ మార్కెట్లో గోల్డ్ ధరలు పెరుగుతున్నాయి.
పెరుగుతున్న క్రూడ్ ఆయిల్ ధరలు
అంతర్జాతీయ మార్కెట్లో క్రూడ్ ఆయిల్ రేట్లు పెరగడం వల్ల ద్రవ్యోల్బణంపై ఆందోళనలు పెరుగుతున్నాయి. ద్రవ్యోల్బణం పెరిగే అవకాశం కనిపిస్తే సాధారణంగా బంగారంపై పెట్టుబడులు పెరుగుతాయి. దీంతో పసిడి ధరలు మరింత బలపడుతున్నాయి. వెండి కూడా ఇదే బాటలో నడుస్తోంది. పరిశ్రమల్లో వెండికి ఉండే డిమాండ్తో పాటు పెట్టుబడుల రూపంలో కూడా కొనుగోళ్లు పెరగడంతో సిల్వర్ రేట్లు కూడా వరుసగా పెరుగుతున్నాయి.
రూ.లక్షా యాభై వేలకు చేరువలో పసిడి
హైదరాబాద్లో 10 గ్రాముల 24 క్యారెట్ల స్వచ్ఛమైన బంగారం ధర ప్రస్తుతం రూ.1,47,280గా నమోదైంది. ఒక్కరోజులోనే ఈ ధర రూ.770 మేర పెరిగింది. 22 క్యారెట్ల బంగారం ధర రూ.1,35,000 వద్ద కొనసాగుతోంది. ఒక్కరోజులో రూ.700 పెరిగింది. విజయవాడ, విశాఖపట్నంలో కూడా దాదాపు ఇదే ధరలు కొనసాగుతున్నాయి. తెలుగు రాష్ట్రాల్లోని ప్రధాన నగరాల్లో ధరల్లో పెద్దగా తేడా కనిపించడం లేదు. ఇక వెండి విషయానికి వస్తే... అంతర్జాతీయ మార్కెట్లో వచ్చిన బలమైన ట్రెండ్ కారణంగా వెండి ధరలు కూడా పై దిశగా కదులుతున్నాయి. ప్రస్తుతం కిలో వెండి రూ.2,45,000 వద్ద ఉంది.
బంగారం ధరల్లో ఒడిదుడుకులు
మార్కెట్ విశ్లేషకుల అభిప్రాయం ప్రకారం అంతర్జాతీయ పరిస్థితుల్లో స్పష్టత వచ్చే వరకు బంగారం ధరల్లో ఒడిదుడుకులు కొనసాగే అవకాశమే ఎక్కువ. ప్రపంచవ్యాప్తంగా ఉద్రిక్తతలు తగ్గకపోతే, ముడి చమురు ధరలు అధికంగానే కొనసాగితే, అలాగే ప్రపంచ ఆర్థిక వ్యవస్థలో అనిశ్చితి కొనసాగితే బంగారానికి మరింత సపోర్ట్ లభించే అవకాశం ఉందని చెబుతున్నారు.
అయితే మరోవైపు అమెరికా వడ్డీ రేట్లకు సంబంధించిన నిర్ణయాలు, డాలర్ బలం, అంతర్జాతీయ పెట్టుబడుల ప్రవాహం వంటి అంశాలు కూడా ధరలను ప్రభావితం చేయనున్నాయి. కాబట్టి రానున్న రోజుల్లో మార్కెట్ ఎలా స్పందిస్తుందనేదే కీలకం కానుంది.
