పవన్ కళ్యాణ్.. బ్యాక్ టు పెవిలియన్..?

పవన్ స్టార్ పవన్ కళ్యాణ్ సినిమాల్లో వచ్చే వందల కోట్ల ఆదాయాన్ని వదులుకొని రాజకీయాల్లోకి వెళ్లారు. 

తమ పూర్వీకులు ఇక్కడే నివసించినా తాను ఉన్నది తక్కువ అంటూ స్పష్టం చేశారు. చిన్నప్పుడు రెండు సార్లు మాత్రమే ఇక్కడికి వచ్చానని చెప్పుకొచ్చారు. నరసాపురంలో ఒకసారి తప్పిపోయానని అప్పట్లో కానిస్టేబుల్‌ రక్షించి మా నాన్నకు అప్పగించారని గుర్తు చేసుకున్నారు. మెుగల్తూరులో చెట్టెక్కి జామకాయలు కోసిన తీపి జ్ఞాపకం ఇప్పటికీ గుర్తుందంటూ చెప్పుకొచ్చారు. తమ పూర్వీకుల మూలాలున్న ప్రాంతంగా ఈ జిల్లా అంటే ఎంతో అభిమానమన్న పవన్ ఆ జ్ఞాపకాలను జీవితాంతం గుండెల్లో పెట్టుకుంటానన్నారు.

పవన్ స్టార్ పవన్ కళ్యాణ్ సినిమాల్లో వచ్చే వందల కోట్ల ఆదాయాన్ని వదులుకొని రాజకీయాల్లోకి వెళ్లారు. ఈ విషయాన్ని ఆయన చాలా సార్లు చెప్పారు. అంత ఆదాయాన్ని వదులుకొని ప్రజల కోసం పాలిటిక్స్ నమ్ముకున్నానని చెబుతుంటారు.

రాబోయే ఎన్నికల్లో సీఎం అభ్యర్ధిగా పోటీ చేస్తున్నారు. అయితే ప్రస్తుతం వస్తోన్న సర్వేల వివరాలను బట్టి చూసుకుంటే సీఎం సంగతి తరువాత పవన్ ప్రతిపక్ష పార్టీ నాయకుడిగా కూడా ఉండే అవకాశాలు కనిపించడం లేదు. ఈ విషయాలను పక్కన పెడితే టాలీవుడ్ లో పవన్ గురించి కొన్ని వార్తలు హల్చల్ చేస్తున్నాయి.

సినిమాల్లోకి పవన్ రీఎంట్రీ ఈ ఏడాదిలోనే ఉంటుందని అంటున్నారు. పవన్ కి బాగా నచ్చిన దర్శకుడు, నిర్మాత కాంబినేషన్ లో సినిమా ఉంటుందని టాక్. అయితే ఈ వ్యవహారాన్ని చాలా సీక్రెట్ గా ఉంచుతున్నారట. ఎన్నికల ఫలితాలు వచ్చిన తరువాత దీనికి సంబంధించిన విషయాలు బయటకి వస్తాయి.

నిజానికి పవన్ కళ్యాణ్ నిర్మాతల వద్ద తీసుకున్న అడ్వాన్స్ లను తిరిగివ్వలేదు. అవన్నీ అప్పులుగా ఎన్నికల డిక్లరేషన్ లో చూపించారు. సినిమాలు చేసే ఆలోచన ఉంది కాబట్టే పవన్ అడ్వాన్స్ తిరిగివ్వలేదని అంటున్నారు. భవిష్యత్తులో పవన్ ని అభిమానులు వెండితెరపై చూసే అవకాశాలు ఉన్నాయని చెబుతున్నారు.