యాడ్ వీడియోలతో కూడా రికార్డ్స్ సృష్టిస్తున్న బన్నీ!
పుష్ప హిట్ తో బన్నీ రేంజ్ పదింతలు పెరిగింది. గ్లోబల్ బ్రాండ్స్ ఆయన వెనుకబడుతున్నాయి. తాజాగా ఆయన కోక కోలా బ్రాండ్ అంబాసర్ గా ఎంపికయ్యారు. ఈ యాడ్ వీడియో ట్విట్టర్ లో రికార్డు వ్యూస్ రాబట్టింది.
అల్లు అర్జున్ సినిమాలే కాదు ఆయన యాడ్స్ కూడా రికార్డ్స్ నెలకొల్పోతున్నాయి. అల్లు అర్జున్ కోక కోలా బ్రాండ్ అంబాసర్ గా ఎంపికయ్యాడు. దీంతో ఆయనపై ఓ యాడ్ షూట్ చేశారు. ఈ వీడియోలో బన్నీ మెస్మరైజింగ్ స్టెప్స్ తో ఆకట్టుకున్నారు. కాగా బన్నీ నటించిన కోక కోలా యాడ్ వీడియో రికార్డ్ వ్యూస్ రాబట్టింది. ట్విట్టర్ లో బన్నీ కోక కోలా యాడ్ కి 20 మిలియన్ వ్యూస్ దక్కాయి. 7 రోజుల్లో బన్నీ ఈ ఫీట్ సాధించాడు. ఇక పాన్ ఇండియా స్టార్ గా ఎదిగిన బన్నీ అరడజనుకు పైగా సంస్థలకు బ్రాండ్ అంబాసర్ గా ఉన్నారు. ఈ విషయంలో మహేష్ కి పోటీ ఇస్తూ దూసుకుపోతున్నారు.
మరోవైపు అల్లు అర్జున్ పుష్ప 2 షూట్ కి సిద్ధమవుతున్నారు. మ్యూజిక్ డైరెక్టర్ దేవిశ్రీ ప్రసాద్ ఇప్పటికే మూడు అదిరిపోయే సాంగ్స్ రూపొందించారట. పుష్ప సక్సెస్ నేపథ్యంలో పార్ట్ 2 భారీగా తెరకెక్కిస్తున్నారు. స్క్రిప్ట్ లో మార్పులు చేర్పులు చేయడంతో పాటు క్యాస్టింగ్ కూడా పెంచేశారట. పరిశ్రమలో పుష్ప 2 పై భారీ అంచనాలున్నాయి.
ఇక పుష్ప చిత్రం వరల్డ్ వైడ్ రూ. 360 కోట్ల గ్రాస్ రాబట్టింది. బాలీవుడ్ లో ఈ మూవీ వంద కోట్లకు పైగా వసూళ్లతో నయా రికార్డు నమోదు చేసింది. పుష్ప అసలు ఈ స్థాయి విజయం సాధిస్తుందని ఎవరూ ఊహించలేదు. పూర్ ఓపెనింగ్స్ దక్కించుకున్న పుష్ప మెల్లగా పుంజుకొని లాంగ్ రన్ నడిచింది. అయితే తెలుగు రాష్ట్రాల్లో పుష్ప నష్టాలు మిగల్చడం కొసమెరుపు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
