విశాఖ దాడిపై జగన్ చేసిన వ్యాఖ్యలకు చంద్రబాబు కౌంటర్

బిజెపితో కలిసి పవన్ కల్యాణ్, జగన్ డ్రామాలు ఆడుతున్నారని, వారికి కేసిఆర్ తోడయ్యారని చంద్రబాబు వ్యాఖ్యానించారు. వైఎస్సార్ కాంగ్రెసు పార్టీతో కలిసి బిజెపి కుట్ర చేస్తోందని ఆయన విమర్శించారు.

Chandrababu Naidu

అమరావతి: వైఎస్సార్ కాంగ్రెసు పార్టీ అధ్యక్షుడు వైఎస్ జగన్మోహన్ రెడ్డిపై ఆంధ్రప్రదేశ్ ముఖ్యమంత్రి నారా చంద్రబాబు నాయుడు తీవ్ర వ్యాఖ్యలు చేశారు. జనసేన అధినేత పవన్ కల్యాణ్, తెలంగాణ రాష్ట్రట సమితి (టీఆర్ఎస్) అధ్యక్షుడు కేసీఆర్ లను కూడా ఆయన విమర్శించారు. 

విశాఖపట్నం విమానాశ్రయంలో తనపై జరిగిన దాడి మీద వైఎస్సార్ కాంగ్రెసు పార్టీ అధ్యక్షుడు వైఎస్ జగన్ చేసిన వ్యాఖ్యలకు చంద్రబాబు కౌంటర్ ఇచ్చారు. హత్యలు తన సిద్ధాంతం కాదని ఆయన అన్నారు. హత్యకు హత్య సమాధానం కాదని తాను విశ్వసిస్తానని ఆయన చెప్పారు.

బిజెపితో కలిసి పవన్ కల్యాణ్, జగన్ డ్రామాలు ఆడుతున్నారని, వారికి కేసిఆర్ తోడయ్యారని చంద్రబాబు వ్యాఖ్యానించారు. వైఎస్సార్ కాంగ్రెసు పార్టీతో కలిసి బిజెపి కుట్ర చేస్తోందని ఆయన విమర్శించారు. తనపై ఉన్న అవినీతి ఆరోపణల వల్లనే ప్రధాని నరేంద్ర మోడీని విమర్శించడానికి భయపడుతున్నారని ఆయన అన్నారు.

సిబిఐపై తాను తీసుకున్న నిర్ణయాన్ని అన్ని పార్టీలు స్వాగతిస్తున్నట్లు తెలిపారు. అవసరమైన ప్రతిసారీ కేంద్రంలో టీడీపి కీలకమైన పాత్ర పోషించిందని ఆయన చెప్పారు. ఇష్టానుసారంగా ఊళ్ల పేర్లు పేర్లు మార్చేస్తున్నారని ఆయన అన్నారు. 

ఎన్డీఎలో ఉన్నప్పుడు కూడా మైనారిటీల సంక్షేమానికి కృషి చేశామని ఆయన చెప్పుకున్నారు. స్టీల్ ఫ్యాక్టరీపై, ప్రత్యేక హోదాపై జగన్ మాట్లాడడం లేదని, బిజెపికి భయపడే ఆయన మాట్లాడడం లేదని చంద్రబాబు అన్నారు. 

సంబంధిత వార్తలు