లగడపాటితో చీకటి ఒప్పందం, ముక్కు నేలకు రాయాల్సిందే: కేసీఆర్, కేటీఆర్ లపై రేవంత్

టీఆర్‌ఎస్ అధినేత కేసీఆర్, మంత్రి కేటీఆర్‌ల పై కాంగ్రెస్ వర్కింగ్ ప్రెసిడెంట్, కొడంగల్ కాంగ్రెస్ అభ్యర్థి రేవంత్‌రెడ్డి నిప్పులు చెరిగారు. కేసీఆర్, కేటీఆర్ ఇద్దరూ తెలంగాణ ద్రోహులని ధ్వజమెత్తారు. సమైక్యవాది, మాజీఎంపీ లగడపాటి రాజగోపాల్ తో  వీరిద్దరి చీకటి ఒప్పందం బయటపడిందని ఆరోపించారు. 

హైదరాబాద్: టీఆర్‌ఎస్ అధినేత కేసీఆర్, మంత్రి కేటీఆర్‌ల పై కాంగ్రెస్ వర్కింగ్ ప్రెసిడెంట్, కొడంగల్ కాంగ్రెస్ అభ్యర్థి రేవంత్‌రెడ్డి నిప్పులు చెరిగారు. కేసీఆర్, కేటీఆర్ ఇద్దరూ తెలంగాణ ద్రోహులని ధ్వజమెత్తారు. సమైక్యవాది, మాజీఎంపీ లగడపాటి రాజగోపాల్ తో  వీరిద్దరి చీకటి ఒప్పందం బయటపడిందని ఆరోపించారు. 

లగడపాటి రాజగోపాల్‌తో కేటీఆర్ చీకటి స్నేహం బయటపడిందని, వారిద్దరి మధ్య బంధాన్ని లగడపాటినే బయటపెట్టారని తెలిపారు. కేటీఆర్‌, లగడపాటి ఛాటింగ్ ల వ్యవహారం మెసేజ్‌లు బయటకు రావడమే అందుకు నిదర్శనమన్నారు. 

సమైక్యవాదితో స్నేహం చేస్తూ తెలంగాణవాదాన్ని బయటకు తీస్తున్నారని, తెలంగాణ సెంటిమెంట్‌ను సంపాదనకు ఆయుధంగా వాడుకుంటున్నారని రేవంత్ ఆరోపించారు. కేసీఆర్, కేటీఆర్ అమరవీరుల స్థూపం వద్ద ముక్కు నేలకు రాయాలని రేవంత్ డిమాండ్ చేశారు.

ఈ వార్తలు కూడా చదవండి