భర్త లేకుండా తొలిసారి పెళ్లి రోజు: జయరామ్ భార్య ఆవేదన

తన భర్త లేకుండా  తొలిసారి పెళ్లి రోజున  గడుపుతున్నట్టు జయరామ్ భార్య పద్మశ్రీ చెప్పారు. 30 ఏళ్ల క్రితమే ఇదే రోజున తాను జయరామ్ ను వివాహం చేసుకొన్నట్టు ఆమె గుర్తు చేసుకొన్నారు.

హైదరాబాద్: తన భర్త లేకుండా  తొలిసారి పెళ్లి రోజున  గడుపుతున్నట్టు జయరామ్ భార్య పద్మశ్రీ చెప్పారు. 30 ఏళ్ల క్రితమే ఇదే రోజున తాను జయరామ్ ను వివాహం చేసుకొన్నట్టు ఆమె గుర్తు చేసుకొన్నారు.

గురువారం నాడు జయరామ్ భార్య పద్మశ్రీ  తెలుగు న్యూస్ చానెల్‌కు ఇంటర్వ్యూ ఇచ్చారు. తమ వివాహమై సుమారు 30 ఏళ్లు అవుతోందన్నారు. తాను ఎక్కువ కాలం అమెరికాలోనే నివాసం ఉన్నానని చెప్పారు. తన కొడుకు ఆరోగ్యం కోసం తాను అమెరికాలోనే ఎక్కువగా ఉండాల్సి వచ్చిందన్నారు.

జయరామ్‌కు తాను రెండో భార్యన అనే విషయాన్ని ఆమె ఖండించారు. జయరామ్‌తో తనకు 30 ఏళ్ల క్రితమే వివాహమైందని చెప్పారు. అమెరికాలోని వ్యాపారాలను తాను కూడ చూసుకొన్నట్టు చెప్పారు. 

తమ 30 ఏళ్ల కాపురంలో  ఎలాంటి కలతలు లేవన్నారు.శిఖా చౌదరి కారణంగానే  తమ కుటుంబానికి హాని కలుగుతోందని పద్మశ్రీ చెప్పారు. సంతోషకరమైన  వార్తలు వినే సమయంలోనే జయరామ్ లేకుండా వెళ్లిపోయారని చెప్పారు.

నా భర్తకు వివాహేతర సంబంధాలు ఉన్నాయనే ప్రచారం చేయడంపై  ఆమె అసంతృప్తిని వ్యక్తం చేశారు.. తన భర్త ఎలాంటి వాడో 30 ఏళ్ల పాటు కాపురం చేసిన తనకు తెలియదా అని ఆమె ప్రశ్నించారు.శిఖా చౌదరిని కంపెనీ వ్యవహరాల నుండి  దూరంగా పెట్టాలని తాను తన భర్తతో గొడవ పెట్టుకొన్నానని పద్మశ్రీ చెప్పారు. 

సంబంధిత వార్తలు