జగన్‌పై దాడికి చంద్రబాబే కారణం: లక్ష్మీపార్వతి

 వైఎస్ జగన్‌ ప్రజాకర్షక నేతగా ఉన్నందున  ఆయనపై ఏపీ సీఎం చంద్రబాబునాయుడే దాడి చేయించారని ,వైసీపీ నేత లక్ష్మీపార్వతి ఆరోపించారు.

హైదరాబాద్:  వైఎస్ జగన్‌ ప్రజాకర్షక నేతగా ఉన్నందున  ఆయనపై ఏపీ సీఎం చంద్రబాబునాయుడే దాడి చేయించారని ,వైసీపీ నేత లక్ష్మీపార్వతి ఆరోపించారు.

సోమవారం నాడు ఆమె  హైద్రాబాద్‌లో మీడియాతో మాట్లాడారు. రాష్ట్రంలో అసమర్థ పాలన సాగుతోందన్నారు. ప్రజా సంకల్పయాత్ర ద్వారా జగన్‌కు వస్తున్న ఆదరణను చూసి టీడీపీ తట్టుకోలేకపోయిందన్నారు.

జగన్‌కు ప్రజాకర్షణ ఉందనే  ఈ కుట్ర చేశారని లక్ష్మీపార్వతి ఆరోపించారు.నీ స్నేహితుడి కొడుకుగా జగన్‌ను పరామర్శిస్తే  నీకే మంచి పేరు వచ్చేదిగా అని ఆమె చంద్రబాబుకు సూచించారు.

అధికారం కోసం  టీడీపీ మరింత దిగజారిందని  ఆమె ఆరోపించారు. ఆపరేషన్ గరుడ ప్లాన్ అంతా చంద్రబాబుదేనని చెప్పారు. ఈ ప్రభుత్వం ఎన్నికల వరకు కొనసాగితే   బలమైన నేతలపై  ఎలా దాడులు జరుగుతాయోననే ఆమె ఆందోళన వ్యక్తం చేశారు.

 హత్యయత్నం చేసి వైసీపీ  కార్యకర్తలే ఈ దాడులకు పాల్పడ్డారని చెప్పడం దారుణమన్నారు. ఇప్పటికైనా సీఎం పదవికి రాజీనామా చేయాలని  ఆమె చంద్రబాబునాయుడును కోరారు. రానున్న ఎన్నికల్లో  తమ సత్తాను చూపిస్తామని లక్ష్మీపార్వతి చెప్పారు. 

సంబంధిత వార్తలు