అమరావతిలో అంగుళం కూడా అవినీతి దొరకదు: చంద్రబాబు

అమరావతి నిర్మాణం పేరుతో దొనకొండలో ఇన్‌సైడ్ ట్రేడింగ్ నిర్వహిస్తున్నారని చంద్రబాబు మండిపడ్డారు. రాజధాని మార్పు చర్చ జరుగుతుందని తాను ఎప్పుడూ అనుకోలేదని ఆయన ఆవేదన వ్యక్తం చేశారు. చుక్కనీరు కూడా నిలవని విధంగా అమరావతి ప్రణాళికలు రూపొందించామన్నారు. 

అమరావతిలో పార్టీ ముఖ్యనేతలతో టీడీపీ అధినేత చంద్రబాబు నాయుడు సమావేశమయ్యారు. రాజధానిపై ప్రభుత్వ ప్రకటనలు, రైతుల ఆందోళనలు తదితర అంశాలపై బాబు నేతలతో చర్చించారు.

రాజధానిపై కలిసి వచ్చే పార్టీలను కలుపుకుని పోరాటం చేయాలని ఆయన నిర్ణయించారు. అవినీతి అంటూ ప్రభుత్వం అభివృద్ధిని కాలయాపన చేస్తోందని చంద్రబాబు మండిపడ్డారు.

రాజధాని విషయంలో ఇతర రాజకీయ పార్టీలతో సంప్రదింపులకు కమిటీ వేయాలని చంద్రబాబు నిర్ణయించారు. వైసీపీ పాలన, వైఫల్యాలపై పుస్తకం విడుదల చేయాలని సమావేశంలో నిర్ణయం తీసుకున్నారు.

అలాగే పెండింగ్ బిల్లుల నిలుపుదలపై గవర్నర్‌‌ను కలవాలని టీడీపీ అధినేత భావిస్తున్నారు. అమరావతి నిర్మాణం పేరుతో దొనకొండలో ఇన్‌సైడ్ ట్రేడింగ్ నిర్వహిస్తున్నారని చంద్రబాబు మండిపడ్డారు.

రాజధాని మార్పు చర్చ జరుగుతుందని తాను ఎప్పుడూ అనుకోలేదని ఆయన ఆవేదన వ్యక్తం చేశారు. చుక్కనీరు కూడా నిలవని విధంగా అమరావతి ప్రణాళికలు రూపొందించామన్నారు.

రాజధానికి చెడ్డపేరు తీసుకురావాలని చూస్తున్నారంటూ బాబు ధ్వజమెత్తారు. హైదరాబాద్ గ్రౌండ్ ఫీల్డ్ రాజధాని అయితే అమరావతి గ్రీన్ ఫీల్డ్ అన్నారు. రైతులు స్వచ్ఛందంగా ఇచ్చిన భూములతో రాజధాని నిర్మాణాలు చేపట్టామని.. అందులో అవినీతి వెతికినా దొరకదని చంద్రబాబు స్పష్టం చేశారు. 

అమరావతి భూముల చిట్టా విప్పుతా: సుజనాకు బొత్స కౌంటర్