బిఆర్ఎస్ వైరస్, బిజెపి వ్యాక్సిన్... ఏది కావాలో తేల్చుకొండి..: బండి సంజయ్

జగిత్యాల : తెలంగాణ బిజెపి అధ్యక్షుడు, కరీంనగర్ ఎంపీ బండి సంజయ్ తెలంగాణ ముఖ్యమంత్రి కేసీఆర్, బిఆర్ఎస్ పార్టీపై తీవ్ర స్థాయిలో విరుచుకుపడ్డారు. బిజెపికి బిఆర్ఎస్, మోదీకి కేసీఆర్ ఎప్పటికీ ప్రత్యామ్నాయం కాదని... నక్కకు నాగలోకానికి వున్నంత తేడా వుందన్నారు. తెలంగాణ బిజెపికి భయపడే కేసీఆర్ జాతీయ రాజకీయాలంటూ పారిపోయాడని... ఇక దేశవ్యాప్తంగా బిజెపి శ్రేణులను తట్టుకోవడం కేసీఆర్ కు సాధ్యం కాదన్నారు. కేసీఆర్ బిఆర్ఎస్ ఓ వైరస్ అయితే  బీజేపీ ఓ వ్యాక్సిన్.... దేశ ప్రజలు వైరస్ కావాలో లేక  వ్యాక్సిన్ కావాలో తేల్చుకోవాలని బండి సంజయ్ పేర్కొన్నారు.