శాలువాతో సత్కరించి మరీ... పెరిగిన పెన్షన్ డబ్బులు చేతిలో పెట్టిన ఎమ్మెల్యే అనిల్

అమరావతి : ఆంధ్ర ప్రదేశ్ లో సామాజిక పెన్షన్లను రూ. 2,750 పెంచుతూ అవ్వా తాతలకు నూతన సంవత్సర కానుక అందించింది వైసిపి ప్రభుత్వం. ఇవాళ్టి(జనవరి 1) నుండే 2,750 రూపాయలను స్వయంగా కొందరు ఎమ్మెల్యేలు, వైసిపి ప్రజాప్రతినిధులు అధికారులతో కలిసి పెన్షనర్ల ఇంటికే వెళ్లి అందిస్తున్నారు. ఇలా కృష్ణా జిల్లా పామర్రు ఎమ్మెల్యే కైలే అనిల్ కుమార్ కూడా పెన్షన్ల పంపిణీ కార్యక్రమంలో పాల్గొన్నారు. వృద్దుల ఇళ్లకు వెళ్లిమరీ శాలువాలతో సత్కరించి పళ్లు, పెన్షన్ డబ్బులు చేతిలో పెట్టారు ఎమ్మెల్యే. అవ్వాతాతల కళ్ళలో ఆనందాన్ని చూసేందుకే సీఎం జగన్ పెన్షన్ల డబ్బులు పెంచారు... కాబట్టి మీ అందరి చల్లని దీవెనలు ఆయనపై వుండాలని ఎమ్మెల్యే అనిల్ అన్నారు.