కేసీఆర్‌కు తాజా ప్రతిపాదనలు: మేనిఫెస్టోకు తుది మెరుగులు

రెండు మూడు రోజుల్లో టీఆర్ఎస్ మేనిఫెస్టో‌ను కేసీఆర్ విడుదల చేయనున్నారు. ఇప్పటికే పాక్షిక మేనిఫెస్టోను  ఆ పార్టీ విడుదల చేసింది

kcr

హైదరాబాద్: రెండు మూడు రోజుల్లో టీఆర్ఎస్ మేనిఫెస్టో‌ను కేసీఆర్ విడుదల చేయనున్నారు. ఇప్పటికే పాక్షిక మేనిఫెస్టోను ఆ పార్టీ విడుదల చేసింది.కానీ, తాజాగా ప్రజల నుండి వచ్చిన వినతుల ఆధారంగా మరిన్ని ప్రతిపాదనలను మేనిఫెస్టోలో చేర్చాలని టీఆర్ఎస్ భావిస్తోంది. టీఆర్ఎస్ మేనిఫెస్టో కమిటీ ఛైర్మెన్ కే.కేశవరావు ఆదివారం నాడు టీఆర్ఎస్ చీఫ్ కేసీఆర్ ను కలిసి ప్రతిపాదనలను అందించారు. 

ఇప్పటికే ప్రకటించిన పాక్షిక మేనిఫెస్టోలో కొత్తగా ప్రజల నుండి వచ్చిన అంశాలను కూడ మేనిఫెస్టోలో చేర్చనున్నారు.విద్య, వైద్యం, వ్యవసాయానికి ఈ మేనిఫెస్టోలో అధిక ప్రాధాన్యత ఇవ్వనున్నట్టు టీఆర్ఎస్ వర్గాలు తెలిపాయి. 

గతంలో ఉన్న పథకాలను కొనసాగిస్తూనే కొత్తగా కొన్ని అంశాలకు మేనిఫెస్టోలో చేర్చనున్నారు.నిరుద్యోగ భృతి, ఉద్యోగుల వయో పరిమితి పెంపు, రైతులకు సంక్షేమ కార్యక్రమాలతో పాటు ఇతర అంశాలకు మేనిఫెస్టోలో చేర్చే అవకాశం ఉంది.

కాంగ్రెస్, టీఆర్ఎస్‌లు కూడ పోటీలు పడి ప్రజలకు హమీలను గుప్పిస్తున్నాయి.ఇప్పటికే ఈ రెండు పార్టీలు కూడ ప్రజలను తమ వైపుకు తిప్పుకొనే ప్రయత్నం చేస్తున్నాయి. 

సంబంధిత వార్తలు

"